بسم الله الرحمن الرحيم
السلام عليكم و رحمه الله و بركاته
الحمدلله على كل حال ما راح اعلق على مبارة اولسان لانها راحت بخيرها و شرها
و قدر الله و ما شاء الله فعل
بس ودي اقول نقطتين فقط على كل ما حصل :
1- الادارة الهلالية الحالية التي يراس سمو الامير عبدالرحمن بن مساعد
خلال اربع سنوات ماضية ما قصرت و الله العظيم و و شخصيا يشهد الله
انه لم لم يقصر يعني اعطاء و ضاح من اجل الهلال كثيرا (جهد و مال و بيته و حتى والديه (الله يطول عمرهم ) و حتى و هو مريض كان يحضر و يورح مع النادي و يحضر مباريته و الله ما قصر )
صحيح هناك اخطاء و هذا شي طبيعي أي مجال في الدنيا ما يخلو من الاخطاء
و مثل ما قال سموه (افرحنا الجماهير كثيرا و مرات ازعلنهم و هذا شي طبيعي جد )
و البطولات تجي و تروح و اما الاسيوية ثلاث ادارات بعد ادارة الامير سعود بن تركي ما حققت الاسيوية
ليه يعني ما قام الاعلام على ادارة الامير محمد بن فيصل جلس خمس سنوات و ما جاب اسيا ؟
و الا الامير عبدالله بن مساعد مع انه ما جلس الا سنة و نصف ؟ و انا ما اقول ادارة ابو عبدالرحمن و ابو سلطان انها فاشلة لا و الله بس اسال الاعلام ليه وينهم هالايام ما قالو ليه الهلال ما اخذ اسيا
و بعدين مو بس ادارة ابو عبدالرحمن و ابو سلطان و الحالية الي ما حقتت اسيا روؤساء الهلال على مر التاريخ 15 رئيس و مع ذالك ما حقق منهم اسيا الا ثلاثة (الشيخ عبدالرحمن بن سعيد (الله يرحمه ) و الامير بندر بن محمد و الامير سعود بن تركي ) هل يعني ان كل 12 رئيس الي ما حققو اسيا انهم ادارة فاشلة ؟
و انا ما ادفع عن الامير عبدالرحمن و لا عن أي شخص لكن الحق يقال انه ما قصر ابدا و هذي الكورة فوز و خسارة
2- و اذا تبون الجد الاعبين هم الي ما كانو في يومهم و بس و لو يتعلمون من جيل سامي و يوسف و الي كانو معهم و يلعبون لو نصف لعبهم (للاجل الكيان و يحترقون مثل ما الجماهير تحترق كان حنا من كل سنة ناخذ كاس العالم مو بس اسيا )
ملاحظة : انا موب مع الامير عبدالرحمن و لا أي شخص كان و لا امدحه و لا اشبه انا اقول وجهة نظري الخاصة
و يا ليت الواحد يفهم قصدي بدون انتي مع هذا و انتي ضد ذاك (( انا مع الكيان فقط فقط فقط))
خارج الموضوع : رحم الله صاحب السمو الملكي الامير هذلول بن عبدالعزيز ال سعود :رئيس هئية اعضاء شرف نادي الهلال
و الاعلامي الشهير و الكبير الاستاذ سليمان بن محمد العيسى .
و غفر لهم و اسكنهم فسيح جناته و الهم اهلهم و ذويهم الصبر و السلوان
تحياتي لكم