..يامن يراعيني بعينه وأراعيــه..
بعيون قلبي كل مالاح زولــه..
يفز قلبي لا تبدت مـــواريه ..
وأغض عنه الطرف والناس حوله ..
أقعد معه في الناس مقدر أحاكيه ..
أخشى لســاني يختلف في مقوله ..
يغلي الحكي في خاطري مقدر أحكيه ..
ويصــرخ بصدري صمت قد طال طوله..
أسرح بفكــري لا جرى طاري فيـه ..
لا أقدر أرد الهرج ولا أقدر أقــوله ..
ولا أقدر أفيض ســر قلبي ولا اخفيه..
ولا أقدر أداري له جروح عليـــلة ..
يامن ينــاديني بقـلبه وأناديـــه ..
يامودع ليلي ليــال طـــويلة ..
ينسى الغفى عيني إلا جيت باغيـه ..
يامن يلوم اللي خلا من خليــلة..