( سعادتي لحظة فراقه )
سعادتي لحظة فراقه ما وصفـت شعورهـا=سعادتي مـن فرحتـي تميـزت بوصوفهـا
عطتني دور اخر مدبلج ما عطتنـي دورهـا=و انا عطيته دوري الاصلي قبل تدير كتوفها
اول غلا في الحب اشفق على ريحة عطورها=و اخر علاقه في الهوا يوم اشرت بكفوفهـا
احرقت دفتر الغلا في غيابهـا و احضورهـا=و ابعدت نفسي عن خياله لا تجي اطيوفهـا
قفلت باب الحب بعـد مـا طفيـت نورهـا=لا عاد ابي انا حبه و لا عاد ابـا اشوفهـا
قلبي مدينه مـن حديـد محوطـه بسورهـا=لا تدري ويش خارجها و لا تعلـم بجوفهـا
زمانـه الله يكافينـي شـره زاد جـورهـا=تمد يدهـا لـردى مـا قدمـت منصوفهـا