إعداد و تنسيق :-
مُــسَــانِـدَةْ يَـاسِــرْ (20)
تصميم :-
وطن داكن ..!
عرض في برنامج " الملعب " الذي يعرض على قناة السعوديه الرياضيه
اليوم السبت ليلة الأحد 13 / 11 / 1433 هـ - 29 / 9 / 2012م
لقاء مع الكابتن " ياسر القحطاني " والذي تحدث فيه عن موقعة أولسان
يوم الاربعاء واعتبرها " نهائي " , أيضا تطرق لحديث بعض الاعلاميين
في مسألة تكرار مقولة " عودة ياسر القحطاني للتهديف " ..
الحلقة كانت من تقديم المذيع : ( عادل الزهراني )
وضيوف الحلقة : ( صالح الطريقي ، عبدالعزيز الصرامي )
ويسرنا ان نقدم لكم كل مايخص الكابتن " ياسر القحطاني "
من صور وفيديو وأخبار حصريه عبر بوابة : ( Yasser Media )
( تصريح الكابتن ياسر القحطاني نصاً لبرنامج " الملعب " )
الكابتن ياسر القحطاني : بـ التأكيد مباراة مهمه بالنسبة لنا تُعتبر نهائي , احنا خسرانين
الشوط الاول واحد صفر .. عندنا الامكانيات ان شاء الله في تحقيق نتيجة ايجابية ونسعد
جماهيرنا ان شاء الله من خلالها باذن الله ..
الكابتن ياسر القحطاني : الحمد لله .. احنا الاسبوع اللي فات مباراتين كانت بالنسبة لنا مهمه
الشباب والرائد والهلال قدم فيها نتيجه ومستوى يعني كبيرين , من خلالها طمئنا أنفسنا وطمئنا
جماهيرنا ومتابعين الكرة السعودية بشكل عام ان الفريق ان شاء الله جاهز ان شاء الله وراح
نظهر ان شاء الله بصورة ايجابية وتحقيق الثلاث نقاط ان شاء الله والفوز يعني التأهل ان شاء الله
الكابتن ياسر القحطاني : والله انا ما ادري يعني المقياس او اللي فيها " عاد أو ما عاد " يعني
كلمة عاد , يعني يمكن انا اسجل اربع مباريات ورا بعض بعدين أسجل المباراة اللي بعدها يجيك
المعلق يقول : عاد ياسر ؟
المراسل : أنا أتكلم لك بلسان الجمهور يقولك نبغى ياسر 2007 يكون موجود ..
الكابتن ياسر القحطاني : الجمهور عاطفي دائماً , يطمح يعني إلى الأفضل يعني .. وهذا حق من
حقوقه يعني .. , أنا اللي علي انه أقدمه والتزم فيه انه اقدم شيء ولو قليل يعني يُرضي يرضيني
ويرضي الجمهور الهلالي , وماراح ان شاء الله ..
المراسل مقاطعاً : الجميل في ياسر انه قاعد يرد بـ الأهداف ..
الكابتن ياسر القحطاني : مو انا قلت يعني انا دايما اقولها , انا مانيب .. ماني في مكان ارد على
فلان او علان , يعني انا مانيب في ثاني او ثالث موسم لي , هذا الموسم 13 بالنسبة لي , يعني
ولا راح أحاول اني ادور اثبات لأحد مين ياسر يعني !
الكابتن ياسر القحطاني : جماهير الهلال ما تحتاج لدعوة , هم رجال مواقف ويعرفون متى يوقفون
مع الهلال , صحيح انه الفترة اللي فاتت الجمهور الهلالي يعني ما تواجد بالكثافة , لكن احنا نعذره
انه يمكن كان مستاء من المستوى , ولكن الآن الحمد لله رجعنا للمستوى الجيد , وانا كلي ثقة ان
الجماهير الهلالية راح .. وانا قلتها يعني في الرياضية ايضاً قلت انه : المباراة في الملز .. واتوقع
انه حيمتلي الاستاد بعد .
لمتابعة تصريح الكابتن ياسر القحطاني بالفيديو والصوت ( قريباً )
في الختام تقبلوا تحيات فريق عمل :-
( Yasser Media )