,,
مخنوق يمه ...
مخنوق يالغلا مخنوق
ضميني يمه وأقري سورة الناس
ضميني وامسحي على شعري وقولي لا باس حبيبي لا باس
مخنوق يمه والله مخنوق*
ضميني يمه حيل ضميني*
ابي الوطن يمه
انتي الدفا لقلب فارق أحبـابـه
يمه كبرت وشاب شعري*
وشلت الهم من بدري
يمه نسيت الفرحه والضحكه فارقت قلبي
مخنــووق يايمــه
يمه أنا ودي أقول للناس!!
عن الشيمة عن الحسرة عن الإحساس*
عن العمر إللي ملآه اليأس*
أنا ودي أضحكهم,,
ابكيهم ,,,,احكيهم*
عن الدمعة وليل الخوف*
عن القصة حروف ، حروف
عن جروح تسافر بي!! وترقى ثم تحول بي مثل غيري من الأجناس ...
وأنا عمري يقول يمه*
وأنا فرحي يقول يمه*
وأنا جرحي يقول يمه*
اذكرهم افكرهم
اسولف عن جروح وليل ...احبك يا غلآتي حيل*
اذكرهم وأنا توي صغيرن مرقدي صدرك*
لحافي يجمعه صدرك*
ضحاكي مبعثه صدرك
وزادي منبعه صدرك*
وأداري الجرح في صدرك ...
قالت ياولدي شف اليوم شبابك
وارفق على نفسك ترا الناس شافوك*
شافوك متغير وحاضر غيابك
ومتشتت فكرك وللهم مملوك*
وهمست لي : اسمع كنت احس بصوابك
ابكي دموعي هم واشكي على ابوك
كنت ارتجي ظلك وماطر سحابك
ونسمة هواك اتشيل عن دربي الشوك*
ارضى عذابي لجل اشتت عذابك
مابي تحس انك اذا طحت متروك*
عهد الطفولة كنت احضن ثيابك
لارحت تدرس وانتظرهم يردوك*
واشرب بقايا مابقا من شرابك
لارحت مستعجل وخايف يخلوك*
اساعدك تحفظ.. اجلد كتابك
اضمك ان رديت متعب ومنهوك*
اليوم ليش اليوم زاد اكتئابك
واللي يبونك.. من سواياك عافوك
لاياولدي ارحم فؤاد حيابك
لاتقطعه احزان. وجروح. وشكوك*
قل لي علامك قافل اليوم بابك
عن ربعك وناسك كفا باب مصكوك*
والناس اللي تحرق لهم مابقابك
مااظنهم كثر الذي فيك حبوك*
ابسألك وانطر حبيبي جوابك
تدري بأن الناس مافيوم حسوك*
امسح دموعك لا يخيب الرجابك
منت الذي يضعف وينهار ارجوك
أوقفـت... وانا ساكت وفكري متشابك
وجسمي كأنه بالسياجات مشبوك*
ناديتها يمه ... ذبحني عتابك ..
تكفين يمه..خلي الباب مصكوك*