ذكرتك والزمان غروب ذكرتك والمكان الشط بالصدفة ذكرتك والعيون تذوب دمع ٍ من حنيني ماستر خافي ذكرتك يوم شفت الشمس غابت والقمر ينساب من شرفة ذكرتك والنجوم تلون لحاف السما وتعاتب الجافي ذكرتك نصف قلبي هم شوق وهم حبك ماخذ ٍ نصفه ذكرتك كل مافيني حنين ودمعتين وكفي الدافي ذكرتك ماذكرت الا عيونك والجبين وكل ما اعرفه ذكرتك مانسيت الا جروحي والانين ودمعي الصافي انا اول عزاي اني حملت العاشق اللي مانسى حلفه وانا اخر عزاي انك نسيتيني وانا طيفك معي وافي تلوم اللي تفانا في طريق مالقى في اخره ولفه؟ الى منه بكى كل الندم في حجر عينه غصب ينشافي اروح ولاطرت حنيت مثل مضيعٍ يركض على حتفه والا ناديتها كسّر حنيني جوف صدري مثل مجدافي يبيك اللي عيونه ماقوت تحمل قليل ٍ من بعض عطفه يبيك اللي مشى لك او مشى بك او مشى في سكتك حافي يبيك اللي الا شافك تلعثم بالكلام وينصعب وصفه يبيك اللي يشوفك شمس والدنيا ظلام ودفتره غافي أنا قلت: ازعلي وخليني اشوف الحنين وش مدى نزفه؟ انا ماقلت: خليني اقول من الوفا يالله يا كافي امووووت وما اعود اتذكرك والمشكلة طييفك ملا الغرفة واموت وما اعود انساك يا حبي القديم الصادق الوافي