مرحَى , 
شـَ حالكمْ 
؟!
طبعآ هالموضوع من عنوانه " قرقيعانْ "
وحنّا من زمان ودنا نغير الزيْ اللي نلبسه , ونلبس قمصان وكلش يصير سهاله 
نبي النفاهه وخطر ببالهم دامنا بنلبس كذا صغيرنا وكبيرنا نخليه قرقيعانْ وكلن يجيب قرقاعه ويقرقع معنا ()
كان نفسي انزل برنتات ماقبل هاليوم والشروط اللي انقالت لكن بالغلط حذفتها
وكان من ضمنها : همااللي بتجي مالبست قميص مهب مقرقعه معنا
وطبعآ كان يوم الخميس 15 , يالله لقينا إستراحه كنّا ندور نبيها قبل
وللآسف ماحصلنا الا بهاليوم وقلنا يالله ماعليه : (
عاد ولاوحده تدري عن الثانيه وش بتجيب , بس حلو انك تتفاجئين بالاشياء الملونه الجميله ,
خاصه أنْ كل ماوضع غالبه اشياء قديمه ونادر الآن من يشتريها
انا عن نفسي احبّها جدآ ,
رحنا وشرينا " قمصان شايلكي " اللي هي القمصان القديمه اللي يلبسونها الاوليين
ولازالت موجوده وتُلبس حتى الآن ..
ميزتها انها جدآ بااااااارده وماتملين وانتِ لابستها
, حتى قلت وراه مو كل استراحه نلبسها الين يخلص الصيف ! تراها موب شينه ولانقعد نقول وش نلبس : p 
بس قبل لاابدا بعرض الاحداث والصور بقولكم شغله ,
انا بكل استراحه اطيح كذا تعودوا علي واُصيب اصابات , صرت حديث الكل
ومن يشوفوني يقولون سمّي بالله لايجيك شيء , بس ابشركم هالمرّه
ماطحت وعدّى يومي بـ امانْ 
وخاصه بنت خالتي تقول " نوشه وراك هاجده اليوم " !! مدري ماحس هاجده مره
بس يمكن استغربت اني ماطحت لذلك هدوء خخخ 
ماعلينا , انا شكلي بقّص لكم قصة حياتي على كذا ! ,
بس للآمانه انا تعقدت من الصور يومين مو راضيه توصلني
كل ماجت تتحمل من جهاز ثاني تفشل قلت شكل ماودها تشوفونها , بس الحمدالله ربّي هداها
وصلنا للآستراحه وانا فرحانه بقميصي الازرق , ولبست فوقه " ثوب الرقص "
حسيت اني جدتهم مدري وش احس بس مره تحمست ياحبي لي 
وخالتي تقول : مير طالعتن وش زينك , شفتوا كيف التعزيز ؟ يسقي روحي طول اليوم ابتهاج لكل شيء اسويه ..
عاد حبوني اكثر لاني كنت لابسه ثوب الرقص وريث جدتي الله يرحمها
ايه وبرضو اغلب البنات حاطين " قرنين وجدايل "
بس انا لازلت عايشه دور ام شعر وقميص يهفهف وثوب رقص يشكشك
والديرما هاه تعرفونها ؟ يالله ذاك اليوم اشكال تووحفه
المهم ياجمييلين كل وحده توصل هي وبناتها ومن معها نصفق لهم ونغني
" قرقيعان وقرقيعان بين قصيّر ورميضان ..... الخ
ويالله سلّم بنتهم يالله سلّمها لامها
يعني هيك تشجيع .. 
وكلن يعرض اللي جابوه على الطاوله .. الين خلصوا متقهوين بعدين بدو يقرقعون
ويرقصون , ويهدون ويصورون ويتعشون وو الخ
عاد انا بتلاحظون اغلب الصور تتشابه لكن من زوايا مختلفه لان صورت فوق 200 صوره , وحطيت لكم مايقارب الـ 51 صوره ..
لان بعض الصور لاتُسمح بالعرض , وفيديو كمان ماعرفت اكتم الاصوات عشان اوريكم رقص الاطفال .
لكن مايمنع اني اعرض جزئيه من الصور عشان احطكم في الحدث ..
على احباب الرحمن / اذكروا الله " ماشاءالله "
رنوشه جميلتي وقِطعه من قلبي " رحمتها تحس نفسها ثقيله باللي لابسته " ههه
تٌوفي حبيبتي
لمّو وتُوفي
تُوفي يازين الزيْ زيناه
من توزيعات القرقيعان
اهم شيء حلاو البقر
لمّو وهي توزع ( الغوّار )
غوّار ياغوّار , طحت بالازرق طعمه دواء آآع 
عشنا الجو مابقى الاّ بيت من طين وجدار من طين وحصير .. : D
من بعض القرقيعان والهدايا .
عسكريم الاوليين : $
عاد انا قعدت ساعه , ودخلت جو معه لدرجه بنت خالتي تلف علي كل شوي
تقول ماخلصتي ؟ مستمتعه جدآ جدآ لاحد يحاكيني هه
كدوشه ياكدوش
زوز الجميل اللي احبه كثيير ويحب الكوره كثير , كذا اذا شفته تذكرت " ياسر القحطاني "
لااحد يسأل ليش ماحأقول " ايش اللي "
طبعآ هيمو صحت متأخره ونست تسوي المكرونه وجابت عفشها تسويه بالاستراحه
رنوشتي بعد ماغيرت القميص , حست انها حُره ابيه
يدين ماتمسها النار ولا الشر , يابعد خالتك
اول ماوصلنا الاستراحه كلن ينزل عفشه
للي مايحبون يجلسون ع الارض ,الاستراحه جميله ومجهزه
حتى الثيّل مُنعش
بداية التنظيم
طبعآ شفتوا من ضمن الاشياء اللي توزعت هذا
واللي بوسطه واضح , من بنت خالتي توزيعات للكبار ( امهاتنا )
الله يجزاها خير ع المضمون
حنّا وينقشون آع بس " بنت خالتي واختي "
مستمتعين بهالفأر اللي حاطينه : )
يوم ماحد عطاهم وجه راحوا للخادمات ولعبوا فيهن
" العشاء " كلن والطبق اللي جابه ,
بليلة ماما وانا اللي احرّج عليها الين خلصت وجعله بالعافيه
" بليله بلبلوكي "
+ ايه قبل مااختم بقولكم وش صار في النهايه لازم هالاكشن يجي 
طبعآ قبل لانطلع ونروح بيوتنا بوقت قصير اكتشفنا شيء , ان الاستراحه اللي جمبنا
جدار( ن) بجدار بناتهن يطلّون علينا من فوق انا مدري شلون طلعوا !! :|
لا ويوم انتبهنا لهم قالوا " انتم شكلكم وناسه " قلنا لاتحسبون لبسنا كذا
ترا عندنا قرقيعان ( فيس مستحي من هالقمصان ) وطقينا سوالف
بركنا على هالثيّل واخذ وعطا ويو خلصنا قلت / ماتستحون يومكن تطلون
( بدري 
) قالت لا بنسوي مثلكم الاسبوع الجاي علمونا وش حطيتوا
قلت تبين قميصي اخذيه خخخ . والله طوولوا والهذره والذبات طولن
نسيت اقولكم ترا شبينا شروخه ( صوااريخ ) خخخ
نسابق العيد شكلنا ..
وبس ..
|[ وآخر لحظه كلن يرّكب عفشه ونفسه للمغادره 
]|
اتمنى عجبكم موضوعي ترا ابد ماكنت بحط خلفيه وصوت وانسقه زين ,
بس ماحصل يحلفون اني هلكت
وعصبت وقلت هذا اخر شيء اسويه : $
وكل عام وانتم بخير ..
ويلحقنا رمضان لافاقدين ولامفقودين , والله يجعلنا من صوّامه وقوّامه
نوف بنت عبدالكريم 