( مذكرات سعودي عاطل ) 3
"" في رمضان "" 
-
من الجزء الثالث إلى نهاية رمضان , ستكون المذكرات عن رمضان بسس !
_
1 ) مقاضي رمضان !
المقاضي وما أدراك ما المقاضي ! , عندما تشاهد العايله السعوديه وهي في السوق
وتتقضى لرمضان , تشك إنهم جايين من مجاعة الصومال , وكأن ماعندهم ولا شيء
بالثلاجه , الواحد ماشي بالعربيه 220 ويلقط من الاشياء , لدرجة إنه يآخذ اشياء مايبغاها 
, إذا وصل للسوق يأخذ 5 عربيات , وحده له والباقيه يوزعها على افراد
العايله , وينتشرون في السوبر ماركت , الولد الصغير يشوف اهله كلهم يتقضون
وكل واحد معه عربيه , ويروح هو ويأخذ عربيه ويتقضى عند قسم الإلكترونيات
سوني - جوال - آيباد, ويآخذ اشياءه ويحطها بعربية الاهل ( ولا من شاف ولا من درى)
هذي المشكله لازم يلقون لها حل , وإلا يقفلون الاسواق وقت رمضان ! 
2 ) إرتفاع الأسعآر !!!
قبل رمضان بأسبوع , تقب الاسعار وترتفع إرتفاع مهب صاحي , ويصبح هناك جشع
من التجار "" الله ياخذهم "" هذا يرفع ريال ريالين , وهذا يزيد بعشره , وانت ماشي
لدرجة مرة من المرات , دخلت بقاله قلت بكم ( السن كويك ) قال : 10 ريال
رحت للبقاله الثانيه , حصلتها بِ 16 ريال ! , وش هالنصب وش هالإحتيااال
حنا لازم نقاطعهم مقاطعه نهائيه فـ يا أخواني الأعزاء ويا أخواتي الفاضلات ... يجب أن نعلن المقاطعه للمنتجات الغذائيه المرتفعه ...
3 ) مسلسل عمر بن الخطاب !
هذا المسلسل سالفته سالفه , البعض يشوف إنه آستهزاء بالصحابه , والبعض الاخر لا
هذا يؤكد عدم عرض المسلسل , وهذا ينفي , هذا يسب , وهذا يشتم !!!!
اول شيء : المسلسل بينعرض في رمضان !
ثاني شيء : السنين اللي راحت كان فيه مسلسلات مثل هذا النوع , وماقلتوا شيء , ليه
مثل مسلسل : ابو القعاع عمرو التميمي - الحسن والحسين .................. إلخ
السالفه كلها سب في الصحابه , وكلها من هالمنتجين اللي مايخافون ربهم !
يعني هذا النوع من المسلسل مهب اول مره ينعرض , اتمنى آن يتم إيقاف المسلسلات
اللي من هالنوع !!
4 ) كمية المسلسلات الهائله في رمضان !
في رمضان لازم يكون هناك 400 الف مسلسل ينعرض , يعني 11 شهر تشتغلون
ومالقيتوا تعرضونها إلاَ في رمضان , وَ اصلاً هذا الشيء خساره بالنسبه لكم لأن
الواحد مايقدر يتابع كل المسلسلات , وأغلبها مسلسلات فاسده ومالها معنى !؟
وبعدين الواحد يتعبد الله ويذكر الله ومهب فاضي يتابع هالوجيه الودره ......
تجي هالقناه وتحط إعلانات , وتجي القناة الثانيه وتحط , وتحدي , وانا احسن منك
وانت احسن مني , وانا حطيت المسلسل الفلاني , وانا جبت الممثل الفلاني ,
وتغطيه إعلاميه وجوايز , وتصويت على افضل ممثل ومسلسل , هذا ماصار رمضان
هذا صار ( مزاين مسلسلات ) هههههههههههههههههههههههههههههههههههههه
-
إذا اعجبتك مذكراتي وسواليفي , اعمل لي متابعه بصفحتي بِ تويتر
https://twitter.com/fahd_aloteby
