جيت المكان اللي هجرته من اعـوام
نفس المباني ونفس صُوت العصافير
هـز اشتياقـي خافقـي بضعـة أيّـام ..
سِر القطاعه ، وِش لـه اليـوم تبريـر
أوّل جهلت الدّمـع مـن طِيـب الأحـلام
واليُوم عندي من دمُوعي صنابير ..
عايش على كف التمني والأوهام
وكلش بعيني عادي ويمكن يصير
كِل الـذي عـدّا بِـهالوقـت " أرقـام "
وكـل الدقايـق فَانيـه وِعمـري قصيـر
لِـيـت الخليـقـه تِفـهـم بْـيــوم وِ تـنــام
وتصـبـح مِـثـل مـاهـي بْــدُون تَغـيـيـر
نبقـى ب وفانـا لباقـي النـاس أعــلام
مَــع بعضـنـا نِـبـقـى بـكــل التبـاشـيـر
نرمـي ورانـا الـهـم ، والـفَـرح قِــدام
ونـعـيــش دِنـيــانــا بـلــيّــا تـقـاصـيــر
خـــلّان نِـبـقـى وِلـــو تِبـاعـدنـا لِـعــام
تبقى القلُوب أحباب ولو فِيـه تقصيـر