مرحى ,
من زمان ودي اكتب تقرير في بالي اشياء كثيره لكن الكسل يمنعني من خوض تجربة الكتابه اللي تحتاج بال وسيع
الصراحه كل ماكتبت كلمتين اوقف / ماادري ايش الاسباب !
لكن هالمرّه جايه بتقرير مختلف عن البقيه ويمكن الاقرب لي لأن فيه مُشاركه من مامتي ودادي واخواني كلهم :D
يمكن اكثر شيء سويته عشان يكون حاضر هو ( الصور ) والصور احيان تغني عن الحديث الطويل المُمل : )
لذلك تقريري عن :
حفل تخرجي 1 / 8 / 1433 الخميس اليوم اللي مستحيل انساه او افرّط في تذكر الوجيه اللي حضرت
طبعآ التخرج مُشترك بيني وبين اخواتي الهنوف والعنود , لكل وحده مرحله خاصه بالتخرج ,
وانا مااخفى عليكم خرّيجة من قسم علم النفس ...
فكان فيه شُعلة حماس انو حفلنا يخرج بشكل جميل ولله الحمد كان بمثل ماتمنينا واكثرر
يعني مهما كتبت ومهما حطيت من صور ماراح اوصل فكرة كيف كنت سعيده باللي صار ,
سوينا دعوه وتم ارسالها قبل الحفل بـ اسبوع , وكُتب فيها الحضور الساعه الثامنه
لاني اعرف اذا كتبت وقت متأخر راح يتأخرون زياده عن الوقت
وكان حضورهم من تسع ونصف الى عشره ونص ..
تقريبآ الحضور 35 > بغيت اقول طالبه خخخ
وكان مُجمل من تقدّمت لهم الدعوه فوق عدد الحضور المذكور لكن لظروف البعض وارتباطهم تم اعتذارهم : )
الاجمل هو حضور صديقتي اللي تقريبآ ماشفتها من سبع سنوات ونصف !!!
كانت اجمل افراحي يوم حضرت 
تعرفون شعور اللي الدنيا ماتشيلني من ثقل الفرح ؟ انا كنت وقتها اكثر من كذا
ولو اني تمنيت اشوف اكثر واكثر واكثر لكن كنت مُتسامحه في الاعتذار لهم ,
حضور الصديقات والقريبات لنا
طبعآ قبل لااحط الصور فيه شيء ابي اقوله ولااحد يمسكه علي بس لزوم نكتب الاحداث اللي حصلت
واسميها ( الاكشنات ) 
انا إنسانه مااحب البس كعب عالي ابد ابد , وكعب عن كعب يختلف ! فيه المُريح وفيه اللي يقول لاتقرّبين لي بس للآسف قربنا
طول الوقت وانا اتحرول بالمشي لاني اتألم من الاشياء المرتفعه جدآ ,
الحضور كان في مكانين مقابل بعض , المجلس الاول رقص والمجلس الثاني رقص  ,
وكان النور جدآ خافت لدرجه ماتوضح الا حركات ايدي
ومن شدة الحماس طحت طيحه شنيعه وطيحت معي الشيفون اللي ورا الستاره ( لاتسألوني كيف صار ) صار اللي صار 
واحلى شيء انو بنات خالاتي جو قبالي يرقصون عشان مايحسسون المجلس الثاني انو احد طايح : ) ولله الحمد والا كان انا لابسه عبايتي ومادخلت عليهم ثانيه : P
اذا ماطحت يستغربون دايم اطيح من استراحه لاستراحه عاد كيف وبيتنا , يالله الحمدالله جت سليمه هالمره مو زي العام الماضي شق بالركبه ورضوض خخخ
بعدين راح الخجل وفصخت الشوز وبدلته , الا شوي الاغلب فصخ ( ياملحهم بسس كذا حسيت انو الوضع عادي الشخص ياخذ راحته : O
كنت محذره اللي مادروا اني طحت لايدرون وفجأه الكل يتصلون يضحكون علي , حتى اخوي مكلمني يقول : بالله ماحد صوّرك ودي اضحك ! 
صرت حديثهم , ياالله الاهم وسّعت صدورهم على حساب عظامي اللي تعوّرت :P
نجي الآن لبعض كواليس الحفل _ صور
هديه من بنت خالتي تقديمات وبعضها عليها صورتي يوم كنت صغيره
بعمر السنه ونصف تقريبآ, وكانت اجمل مفاجئه 
احبكم ولو ليالي العمر تعطيني فُرص / عدتها عشان اسمع صوت ضحكاتكم : $
عندما تكون النوف : فرحة
كان الختام جميل , اغنية للتخرج ولبس العبايه والقبعه
وتشجيعهم والصبابات اخذوا جوهم ورقصوا
اممم واعتقد الصور واضحه مايحتاج تعليقات
لاني لو بعلق ماراح يكفي موضوع واحد اذا جبت التفاصيل
من وإلى راح اتعب : ) 
( ضيافه + تقديمات عيّنه كهدية + بوفيه + دي جيه )
الصور اكثر من كذا ومن زوايا مختلفه لكن اختصرتها بـ الاهم
_ ياربّ تحفظهم لي وعلى راسهم اللي تعبوا عشان يخلوني اسعد إنسانه
( دادي وست الحبايب )
# نوف بنت عبدالكريم
شكرآ لتوينتي / على لمسات التصميم
|