ـ مرثيه فِ الامير
( نايف بن عبدالعزيز ال سعود
ـ* رحمه الله )
لاعادك الله نهـار السبـت وعلومـه=هدّفـت علـم تكـدر خاطـري منـه
آمنت باللي لـه الطاعـات ملزومـه=وكفرت باللي علينـا حربـه يشنـه
الله يحسن عزاء شعـب فقـد نومـه=والدمع في داخـل الاعيـان ماكنـه
نايف رحل والله اللي كاتـب يومـه=خيّم علينـا الحـزن والهـم ونكنـه
وان مات نايف ترا الاوضاع محسومه=فصل الربيع يحضر لو طالت الكنـه
روح عظيم السجايا طيّـب القومـه=رجل الامن والعدالـه ناصـر السنـه
حارب وجاهد وفاد وبانـت رسومـه=ماله وجهـده فـدى للـدار ماحنـه
رجل الفكر و السياسه مبعد الحومـه=عدو الارهاب جعـل عظامـه الجنـه