مَرحـبْ 1 - مضت سنين بأيآمها وانا احاول أن انقل كتابآتي لفضاء التكنولوجيا ، ولكن تقدرون تقولون أنيّ دقه قديمة ومآ اقدر اكتب إلآ على ورق .. لكن نفسي من زمآن تحدثني لآ وصارت تحرضني للكتابه لعالمي الجميل لصحبتي الرآقية هنا .. القناص موقعي الأول بعد ان تساقطت اورآق المنتديآت الآخرى من مفضلتي سنه ورى سنه ، وصآر عادتي المعتآدة اصبح وأمسي به ، وماعآد يهنأ ليّ قهوة صباحي ولآ تصبيرة عشآي إلا بمشاركته .. المجلس يامجلسي كيف حبيتك ؟! وصرت اول رابط مبرمج على كل اجهزتي مع أني ما تواجدت في زمانك البآهر لكن متابعه وفيّه ه من بداياتك ، كانت الصدفة هي منسقة اهتمامي وحضوري الى اللحظة بك .. دخلت لك يوم والملل لا عب دوره وهم الإختبارآت مثقل انفآسي كآن بصدرك اعلان ينآدي بأصدقآء جدد .. لبّيته .. والأيآم من بعده تحكي لك الروآية الصغيره اللي مازآلت سمبل ليومها .. نقطة انتهى ! 2- بِمآ أنيّ تجرأت وفتحت نافذة موضوع جديد # ! ببدأ اكتب بعفويه وبدون مونتآج ولآتدققون حبآيبيّ لآ على إملاء ولا نحو ولا بلآغة سطوريّ .. اتفقنــا ! انا وحده عآشت الزمن الجميّل والزمن الأغبر الجديد !! بين قوسين مخضرمه يعني ؛ تصحى من سبعه الصبح تشرب حليب السعودية على بسكوت ريكو عيونهآ متشعلقه على التلفزيون ابو بابين وآريل تنتظر فتح القنآة ! تترك اللي بيدها مع اطلالة الملك فهد والعلم الأخضر ، توقف على سيقانها النحيله ذآت الندوب الملونة وقفه عسكرية لتردد " ثآرعيّ للمذد وَ الحليا .. مَذديّ لحالق الثماآء " ..! وفي نهآية وصلتها الآسرة تختتم بـِ طن ططن :D انا وحده من ضمن القلآئل الذين لم يهلوها بالأربع أربع في اول سنة شقى " درآسة انا وحده عشت زمن المسطرة الخشبية اللعينة ـأم اللون البني الكئيب وذآقت طعمها الفريد حتى وهي امرأة كاملة النمو والعقل وبرتبة طالبة ثاني ثانوي علمي ! انا نفس هذيّ الوحده اللي فلَّت ابو امها في ثآلث ثانوي مع كامل معرفتها انها من آخر دفعة اسئلة وزارة ، وايمانها العميق بصعوبة مستقبلها كمواطنه لو بقيت فالها ابو امها لكنها ظلّت هي نفس الوحده وبكامل ثقتها في حظها خسيس الطبع قليل المروءه مردده اغنيتها المفضله على مدار فصول العام " خآربه خآربه خلينا نعميها .."" ض1 مع انها وحده متمرسة في لوح الشرف المدرسية بكافة احجامها ورتبها ، ووجه ملت منه صفوف الصباح بتقديم اذآعة مدرسة اشبه بثكنه عسكرية وصآرت هذيّ الوحده من منافسي سليمآن العيسى حتى ان الصفوف بمعلماتها تتبعت سير مرآحل حياتها ! منذ كانت بالقرنين واسوارتين ذهبيه مع القبة البيضاء ، الى ان صارت بالمريول البني الشوآله والشعر المفكوك والخصل المتطآيرة مع نسمات الهواء ض1 نقطة انتهى ! 3- ما ببتعد بكم كثير ، لكن هذيّ الصفحه من حياتي خصصتها لانها باقي مُصِّره تقبض بيدها الى الآن على حزمة نقاط التحول في مسيرتي العقلية والجسدية .. والليّ يقلل منهاآ الآخر بكل استخفاف لما يسمعني اتنهد همومها ويدهر عليّ بكومة نصائح وتجارب لا اريد مجرد التفكير فيها .. وهذي المحطة انا متأكدة بأن اغلبكم عاش او عآيش ولو السدس منها .. انا وحده قدر الله عليها وفكرت تدخل جامعة مثل ايّ وحده تخرجت بعد عناء من تحت يدّ الجلاد المسمى بالرئاسة العامه لتعليم البنات ذيّك اليد القاسية لا سامحها الله بعد فترة سجن لم تكن بالمؤبد ولكنها اجرمت في صحتي وذآكرتي رجعت بعدها بفضل كريم للدنيا من بعد ان كنت من آهل الأخرة ! هذيّ الوحده طلعت احلامها مو من حقها ابداً ، ركضت ورآها ولكن كل ابوهم لآبو ابوهم يوصدوون في وجهها ابواب طويلة مزخرفه مظهرها يَسُر الناظرين ، استسلمت هذيّك الوحده لحالها واضطرتها رغبتها الجموحه وطموحها الحي بأنها تكمل خطها الطويل ولو كان صعب وغبي !، ووقف عقلها تخطيطه عند محطة ماتخطر على البآل .. نقطة انتهى ! 4- تغربت هذيّ الوحده مكرهه ولأول مره في عمرها الليّ انكسر مع اعمار مدفونة على هامش سنينا الماضية ، طآرت فيّ سماء وطنها الحنوووون واستقرت في مكانها على كرسي لونه يجلب البكاء غصب وبعبره حايره هي تطلع ولا ترجع ، وبعيون حمراء ذابلة ونظرات مرتبكه وانفاس سريعه وجسم مايجيّ على ـالميزآن إلاّ 40 كيلو وشنطة سفر مافيها إلا جاكيت شتوي بريحة امي ومصحف من ابوي، وبدرجها مَلف علاقي قد ملّ مني وبكى حالي ووده ينتحر ويرتاح ! الوحده هذي تغربت صحيح ولكن ماهي بالغربة الليّ رجتها ، غربة في دآر اوباما ولاّ ديار اليزابيث تفرح فؤادها المشغوف بهآ ، لكنها غربه في وسط ناسها وعلى ارضها خفف عليها ضيّم ايامها انها بمسقط راسها من حضن عم لصدر خال تداريها جدة عطوف .. نقطة انتهى ! 5- 1429 ه " انا وحده في هذيَ السنة بديت درآسة اول مستوى بكليّة العلوم اعتمدت على نفسها وصآرت اطلق من أول ، رجعت قوية وقد حالها ومااحد يقدر ياخذ لها حق ولو كان تافه ؛ وربْ ضآرة نافعة " من اولها شكلت حزب طلابي غير رسمي يمكن هو الاول من يوم تأسست كليتها المتجبره غصب عن ابو العماده وجامعة خالد بكبرها ! حاربت نفوسهم الدنيّه وغيّرت افكار متحجره عند اداره تملك قرارت هذي الجامعة من ازلّ ، وماهي لوحدها الجامعة !.. في الاصل اغلب جهآت منطقتي الوديعه المظلومه تحكمها ولو في الخفاء عصابات من عوائل معروفه لعبت في بنيتها ونهبت ثروات اهلها > واشطَح ماعلينا ؛ قدرت هذيّ الوحده نتف طقم كآمل من الدكاتره من جنسية عربيه اجرمت في اجيال وراها اجيال وعمرت وعشعشت في زوايا جامعتي الرجعيه ..$ نفس الوحده هذيّ وصلت لمقر الراشد ووقفت امام مكتبه الفخم فيس تو فيس واجبرته يسمَع صوت 894 طالبة لتغيير عميده تمادت استهتاراً بهموم ودموع طالباتها .. بعد خمس سنوآت هذيّ الوحده منّ الله عليها بالتخرج وبرآس مرفوعه وسجل خاليّ إلاّ من شوية تعهدآت جربتها كمسكن لشوية اغبياء .. نقطة انتهى ! 6- لحظة ولحظتين ؛ قبل التخرج والوثيقه مستحيل اعدي آخر مستوى بدون ما اكتب له ؛ يَ اختي قميله عليه ، يَ الله كم كآن خوقاقي > أكره ه الوصف لكنه آليم & طبعاً يالليّ يعرف عنه شي يسويّ نفسه ما يقرأ او يطلع يعمل بحث بالمشَاركات الجديدة ويرجع ،! واسألوا ربع تويتر.. كآن اكثر ايام الدراسه جمالاَ وكمالاً وروعه وكل ابو شي حلو ! .. فترة التدريب الميدانيّ هذا اسمها ؛ يعني معلمة لمجموعة من الوراعين بَـــ العُمر شيبان بعقولهم ، فيها تعرفت على متدربات من احلى الشخصيات يالليّ من الممكن تواجهها بحياتك .. عشنا فيها سوآ 5 شهور كنها 5 سنين دخلنا ببعض وصرنا نمون على بعض حتى اكثر من اهالينا ، نسينا فيها اوجاع سنين تعليمنا الرديّ وذكريآت السوآد الكريهه في صفوفه .. فوقهآ خبره ه ومحبة وعلاقات جميله متبادله بتظلّ للابد معي اكيد .. اكتشفت فيها عندي قدرآت حلوه المفروض اعرفها عني من زمان طويل لكن سامح الله منْ قمعنا وارهبنا وصآدر شخصياتنا وحرمنا ابسط حقوقنا < قمعنا مِن القَمع وارهبنا من الإرهآب نقطة انتهى ! 7- وصلت الوحده هذيّ الى نهاية البداية الأولى بحياتها لتبدأ بداية حياتها الثانية > ه فكوها بالله لا بجد الحياة الليّ تنتظر كل وحده وواحد بعمر 22 سنة &.. معهم ملف علاقي يشبه اخوه الليّ كان بنفس اليد من كذآ سنة لكن يختلف عنه بأنه توه اندفع فيه رياآل الملك عبدالله الجديد وبآقي بأول شبابه #.. سيبدأ فيها ه الجماد المسكين جولة سياحه على مكاتب ابو درج مدتها فيّ حكم عالم الغيب يمكن تطول لشهور ويمكن لسنوآت ترقبه عيون صآحبه زيادة في المصدآقيه ترقبه عين وحده والثانية على العم حافز الله يمّد بعمره ويجمّل حاله .. بالآخر ماهآنْ عليّ ابد اختم بطيب الذكر الليّ حتى هو ماسلم من اياديهم العفنة .. ( همْ ) ضمير غائب عن الصوره حاضر يوم الحسآب ! .. وكان لابد من نهاية للقصة ، ولا تقلقون تروا النهاية سعيده ض1 ق1 .. الوحده هذيّ لمت عفشها وحطت رجلها بعيد عن حياة الـ خمس سنوات بخيرها وشرها على ـأمل عوده ـآصبح كبيراً .. نقطة انتهى ! End of the line points # اطلقت لقلمي بٌعداً آخر لم يعتده كمآ في الورق . # سردت بعض التفاصيل لآ لشئ ولكن ربما تنفع احدكم بشئ . # اعتبر افصآحي ببعض اسرار درآستي فضفضة انتظرتها ورآحه صعب تكرآرها . # اعتمدت الفكاهة ايطاراً رغم واقعيّة المضمون . # اتمنى ان طلتيّ لم تُمل وان بوحيّ لم يُطل الحضور . ـالفَاتِن
✿ نٌـقطَـة انتَهـى !