مرت على قلبي وهي عايشه فيه
تقول بعد الحب لا تنتظرني
"
"
مرت على جرح الليالي تصحيه
نسا شقاها كل درب وذكرني
"
"
مرت على ظلمى طريقي تضويه
ليله .. هناها مع عناها غمرني
"
"
مرت تثير الوجد فيني وتطفيه
مرت حنين لوعدها اللي غدرني
"
"
من خوفها لنسى غلاها وطاريه
مرت تذكرني بوصل هجرني
"
"
مرت مرور الليل بعيون ساريه
حتى الوصل بعيونها ما نظرني
"
"
حلم تلاشت ضحكته ليه تحييه
ليه الوفا في ليلها ما سهرني
"
"
وماضي فرحها كيف ترجع تبكيه
عادت تفاصيل الحزن تختصرني
"
"
الشوق ماتت في رجاها خطاويه
عرفتها عمر وزمانه نكرني
"
"
حبيبتي وعد نستني امانيه
وتوديعها .. على الموادع جبرني
"
"
من حب ما ينسى ولو حب ناسيه
هذا الذي ليلة جفاها..قهرني