اختي (مساندة ياسر):
عفوا بس فيه اشياء حبيت اوضحها : انا لما قلت ياسر سيكون الخيار الثالث ماكنت اقصد مستواه لان مثل ماقلتي فرق السما عن الارض بينه وبينهم بل على المبلغ المدفوع والتدخلات وحضرتج تعرفين ان الامر ليس بيد المدرب المغلوب على امره ...ياسر بفلوس ولكن ماشم ريحتهم مثل ماعرفنا وساكت خايف على مشاعرهم
بالنسبه للجمهور الهلالي مايرحم....بس بسألج الجمهور لما دروا ان ياسر اعير بالمره الاولى تظاهروا بالنادي ..الاداره شنو سوت؟ اذن من طين واذن من عجين وما اعتقد بتنكرين هالشي.....ادارة طنش تنتعش.
ياعزيزتي : الشباب الاماراتي اللي مو عاجب الكثير احرج الهلال بالذهاب والاياب...الجزيره الاماراتي متصدر مجموعته....بني ياس يقابل الهلال وماتقدرين تجزمين بالنتيجه لان بكورة القدم ماكو شي اسمه منطق والا جان برشلونه (استحوذ) على كل الالقاب...وبما ان الشيء بالشيء يذكر....الهلال بعز مجده ومستواه فاز عليه الغرافه بالاربعه......
لنفرض جدلا ان العين بيستبعد ياسر....وين المشكله اذا باعه لاي نادي؟؟ المشكله انكم تطالبون بالاحتراف واذا طبقوه اشتكيتوا منه..الندم وقتها سيطال من تخلوا عنه وهذا اللي صار للهلال.يعني الرابح الاكبر ياسر والنادي المنضم اليه........راؤوول من عقب الريال وشالكه راح السد وبيعتزل فيه شصار بالدنيا؟؟؟؟انا اقولج ليش تبونها سوداويه وانانيين لانكم تطالبونه بالعوده للهلال بوجود هالاداره اللي اصلا انحاش بسببها وبليز لاتقولون النادي ليس ملك لهم ...وقاعدين تعذربون بالعين عشان مايقعد فيه.
اختي العزيزه: يعني بصراحه بعد الاعتزال الجماهير شتبي باللاعب .مو اللي يهمها مايقدمه بالملعب؟ عيل ليش بتلحقونه حتى واهو معتزل خلاااص بعد الاعتزال بيتفرغ لحياته الخاصه واصلا اهو صرح انه مارح يدش الوسط الرياضي بعدالاعتزال..اللاعب نهايته الاعتزال.....واحب اطمنج ان التاريخ لاااااايمحى ابدا ابدا لانه حقيقه وقعت ........
عزيزتي الحين انتوا ليش حبيتوا ياسر واخلصتوله ولاحقتوه بكل مكان وتابعتوا فريق لعيونه و...و....و؟؟؟؟ليش تحسسوني انكم تسوون كل هالشي بدون مقابل وتمنون عليه بالمحبه؟؟ موياسر اللي بادلكم الحب والتعب والحماس والقهر واحترق عشانكم ولعب وجماهير الخصم تهتف بعرضه ورفض الاغراءات الماديه وضحى بصحته عشانكم؟؟؟
حبايبي والله اني اقول هالكلام من قهري من الاداره اللي كانت بكل مقابله تحط اسمه مع الخمه سعد ومالك ولما راح العين قالوا رغبته عشان الجماهير تسكت وما اعلنوا شنوا الاسباب اللي خلته يصر على هالقرار والمشكله هندسوا صفقات عاللي انتقدوهم .....ومثل ما قلتلكم انا جمهووور ياسر وليس الهلال والعين يعني ماعندي مشكله وين بيروح لاني بتم وراه وكثيييير راهنت عليه وكسبت الرهان والحمدلله......
مساندة ياسر مثل ماقلتي الاختلاف لايفسد للود قضيه وتبقى الاراء وجهة نظر صاحبها وكل واحد ادلى بدلوه في هذا الموضوع كل له اسبابه وتأويلاته وتحليلاته.............