سامي ايام جيرتس كان اوكي وافضل اداري

لكن شعبية ياسر انجازاته اللي في كل موسم

تحطيم ارقامه ياسر هداف الهلال والمنتخب في اسيا

ثاني هدافين المنتخب بعد ( ماجد عبدالله ) على مر التاريخ

اثارت شيء في نفسه .. وجيرتس شخصيه صارمه

فاضطر يتفرج على اهداف ياسر ويبلع العافيه

وثقت فيه الاداره بشكل استفزازي ومافيه من الاحترافيه

ولا ذّرة يختار لاعبين يختار اجانب يتدخل في التشكيله

صار الآمر الناهي .. لايجيني مطبل سامي فعل وفعل

والدليل حديث هاسيك عن الحارثي وانه سبب العقم

الهجومي ومن بعد التصريح وسعد يلعب لو 4دقايق المهم

يلعب.. كلام سامي عن سعد ويراهن عليه ويتحدث عن

انضباطه ويتنبأ له بموسم ناجح مع الهلال ..

ليش ماكان هذا موقفه لما الجمهور يضغط على ياسر

ليش مااحتضن ياسر بدل مايقوم بدور المربيه لسعد

وكلنا عقلاء ونعرف الفرق بين ياسر وسعد تهديف و حتى

تأثير على الخصوم ..

_احمد علي - الجمعان - سعد - الكوري كلهم اختيار سامي وكلهم

اقل من ياسر .. ليش ؟؟ لانه ماراح يخاف على تاريخه منهم

لاعبين مش حالك ..

عبدالرحمن بن مساعد مفلس فكريا وكلمه توديه وكلمة

تجيبه سامي وعبدالله بن مساعد نجحت مخططاتهم

في ابعاد النجوم .. لكن الهلال من سيء

الى اسوء وفي النهايه هم خسرو الدوري وياسر على

نيته رزقه ربي موسم للتاريخ مع العين فن مهارات تسحيب

اهداف سينمائيه جميع الفرق الكبيره في الامارات اكلو

سهم من القناص وحسم اللقب باجمل هدفين

جنون المدرجات العيناويه ويطلبون من ادارتهم بقائه

اكبر رد على كل من حاربه.. ياسر ممكن ينجح في اي

مكان عرفناه نجم بالقادسيه وكان طموح محمد بن فيصل

وحقق هالطموح ومع الهلال واصل النجوميه مع المنتخب

مهما تغيرت التشكيله يبقى ثابت على اختلاف المدربين

ويبدع ويمتع والحين مع العين يتوهج ويسرق الانظار

للدوري الاماراتي ..

لكن الهلال بدون ياسر لا متعه ولا هيبه ولا هويه وبدون

قائد ..


وهبوط مستواه الموسم الماضي اللي اشوفه

بالارقام موسم مميز للكاسر كان له اسبابه

مو مرتاح نفسيا ضغوط من الاداره عليه وضغوط جماهيريه

توالي الاصابات ويستعجل بالعوده للملاعب هذا الشي

معروف عنه خصوصا لما يكون الهلال بحاجته ..

وسط مايصنع بكثر مايبحث عن التسجيل .. كان محتاج

صانع العاب .. ومهاجم اجنبي يسانده .. وكنا راح نشوف

ياسر ينسينا 2007 ..

اتمنى اتمنى شوية وعي باللي يدور بين اسوار النادي

والله الاداره انكشفت .. لكن فيه ناس ماتحب تشوف

الحق ومثاليه عبدالرحمن المصطنعه غاشتهم ..وحبهم

لسامي مضللهم وكأنه ملاك مستبعد عن الغيره

والخطأ .. مافي احد كامل لكن بما انه لاعب ناجح

ضروري يكون من المنزهين عن الخطأ في نظرهم ..

(( يابختنا في لاعب مثل ياسر وربي فخر لما اقول اني

من جمهوره .. لاعب اسطوري وكل ماكثرو اعداءه

تفنن في الجامهم ))

ياسر مظلوم والله على الظالم سواء جمهور او اعلام او

إداره ..