( الاَ يالله ـ )
الا يـا الله يـارب البـرايـا=عظيم الشان غفّـار الذنوبـي
كريـمٍ عالـم كـل الخفـايـا=جليل الملـك عـلاّم الغيوبـي
يامنشي الغيم في كـل الحنايـا=حقوق صادق قبـل الغروبـي
تدن ارعـوده وجالـه دوايـا=تقول انها براكينٍ(ن) تذوبـي
تلوح ابروقه وسـوّى سوايـا=تلامع كنها ضـوٍ(ن) شبوبـي
سقى قبرٍ(ن) حوى زين الحلايا=صليب الراي في كل الدروبـي
تزاحم فوقـه المـزن وترايـا=نصايب قبره اسقتها النصوبي
رحل ابوي عن كـل القرايـا=وبقى ذكره معا الناس امحبوبي