الشوط الاول حسيت الكابتن حاضر بشكل اكبر
كان عنده حماس واصرار يسوي شي بالمباراه اما يصنع هدف والا يسجل هدف
يمكن يكون وقت تكريم الجمهور للكابتن ساهم بهالاصرار والحماس اللي كان عليه الشوط الاول
مع انه تقريبا كان يلعب خلف جيان والاقرب انه كان يلعب وسط وهذا واضح من تراجعه الكبير للخلف في اغلب الكرات
الشوط الاول اعجبني الكابتن صراحه
تراجع للخلف وقطع للكور من الخصم وتسليم صحيح ومحاولة صنع كرات لجيان
اللي مااعجبني الشوط الاول صراحه تعامله مع الفرصه اللي هيأها له جيان
لان سبحان الله الشوط الاول جيان تقريبا كان مختفي وماظهر الا مره او اثنين لكنه صحى بالشوط الثاني وصنع لنفسه فرصه من لاشي وطار بنجومية اللقاء
عكس الكابتن اللي الشوط الاول صراحه كان يتراجع ويدافع ويبني هجمه ويقطع كوره
لكنه الشوط الثاني قل عطاؤه بشكل كبير مدري وش السبب
مع انه المفروض اما يظل على ماهو عليه او يتحسن للافضل خاصه بعد دخول محمد عبدالرحمن وتحريكه للجهه اليسرى
يمكن يكون التوقف سبب وخاصه ان الكابتن صار له فتره طويله منقطع عن المباريات بسبب معسكر المنتخب ولما رجع مالعب مباريات وديه مع الفريق
كل خوفي من العضله الضامه لاسمح الله لاني شفت له صوره بعد المباراه وهو رابط عليها وحاط ثلج عليها الله يستر بس
بشكل عام اداء الكابتن كان جيد
نطمح للافضل خاصه مع اقتراب الحسم والجولات الاخيره من الدوري
اتمنى من الكابتن انه يهتم بالتسجيل اكثر لانه مهاجم وبنهاية الموسم ماراح يكون من ضمن تقييمه الا كم سجل هدف او كم صنع هدف اوتسبب بهدف
واتمنى ان يضع لنفسه بصمه اكبر يتذكره بها جمهور العين اللي ماقصر صراحه
وكان تشجيعه مضرب للمثل وخاصه مع الكابتن
كل التوفيق للكابتن في القادم ياااااارب