الله الله بدايتي يمكن اخر متوسط او اول ثانوي مو متذكره بس الاكيد كنت فاهيه وماصله ماعجبني الا سالفه الاشعار والاهدائات ف كنت اجلس ساعات متواصله على المكتبي اكتب في دفتر شعر واخذهم للمدرسه في الحصص نقراهم ونخق ! عاد كان يعجبني سالفه التصاميم اسهل للسرقه يعني صورة مع بيت شعري جاهز بعدين حبينا ياسر وراهقنا عليه كنت اسهر اطبع صورة وتصاميمه .. بعدين جاتني وسائط من صاحبتي فيها صورة ياسر وموقع القناص فيه دخلته وكأني داخله جنّة جيت باسجل وانا مااعرف كيف مليت البيانات طلع لي الايميل اتصلت عليها قالت ماعندها ايميل رجعت اتصلت على اخوي قلت عندك ايميل ؟ قال ايوه قلت عطني اياه وعطاني اياه نسخته واكتمل التسجيل دجينا عاد وخالفنا لين قلنا بس لين جاني اخوي يوم قال انتي في القناص مسجله ؟ وقتها ارتعت كأني مسويه جريمه المهم كان ب يسجل مدري وش جايبه عندنا وطلع له الايميل مستخدم عاد شكله كره الموقع وتركه مني او يمكن لسى موجود هاي برذر <مصاله الفجر ايوه بعدين سوى لي ايميل و شاركنا مدري كم سنه وكأني عفريته ماتعرفت على احد جالسه لحالي حتى كانو يحسبوني ولد متحطم على صوري ويوزري وقتها بعدها اكتشفت الزعيم والاقلاع بس ارتعت من الزحمه ورجعت للقناص دخلت الشات فتره وكنت مسويه فيها عربجه بس هجدوني وطلعت من هالمجتمع بسرعه ماصملت الوحيد اللي ثبتت عليه القناص وحاليا الاقلاع وتويتر مأخذ وقتي من القناص واستخدمت المسن وتعرفت ع ناس كويسه مدري هم جو لي المهم طنجرة ولئت غطاها بس اظن مابقيت شي بسمه والاصدقاء