ياهاجسي عطني من الشعر موال=وشعلي المعنى بوسط القصيده
خل المعاني كلها تقبل أقبال=وحتار فيها كل أبوها فريده
وخل الفكر من هيبتك يسأل االحال=وش قيمته لا صار يعلن جديده
وش قيمته يازين في كل الاحوال=ولا غيرنا يدري بجملة عبيده
من بعدها ياهاجسي سيد الابطال=آمر ولبيلك هنا ماتريده
أبشر لكب الشعر من فوق الأطلال=وغطي أعلام الصحف والجريده
وسكب على مضماك معنى وغربال=وبهم معاني الشعر وحصي عديده
وخلي المحتال يظحك ويحتال=ويقول انه فهمها وهي بعيده
مايدري انها ياهجوسي على البال=وانها سوات الدم داخل وريده
أمكنً معناي في جملة أقفال=إقفالها ما كل أبوها وكيده
حبيت أشرح للخلايق ولا زال=أن الشعر معنى وكلن يزيده
فياهاجسي البيت من غير أمثال=ياهاجسي تكفى أبد لا تعيده
أبعد عن أشرار السوالف والإنذال=وختارلي معنى وجمله مؤفيده
بقلمـ ـالـــرااااايـــز