موضوع . . جميل
بدايتي في النت تقريباً عام 2005
كنت صغير جداً ( سنة خامس ابتدائي )
ايامها كان سلك التليفون وكانت الساعه بـ 3 ريال
طبعا كان لي ساعه وحده باليوم
الكمبيوتر ذاك الوقت ( منزلي )
وللحين عايش < ههههه ما تكسر
ودخولي في النت كان ينحصر على فتح الألعاب
افتح اكبر عدد من الألعاب واطلع
لانه يكون عندي امكانية تشغليها بدون ( أتصال )
وكانت أشبه ( بالمجانية ) بالنسبة لي
بعدها تطورنا ودخلنا شات < مدري وش كنت احس فيه
الأسماء الي كنت اختارها أذكر مره
كنت مسمي نفسي ( شنب ) < هههههههههههههههه
كنت صغير وما كان احد يعطيني
وجه بالشات فكنت ابي اثبت نفسي
بالنك نيم . . كان باعتقادي ( هيبه )
ما كنت ادري ان الشنب يطير العالم ههههه
بعدها تطورنا وصرنا ندخل منتديات
وسوينا أيميل وللأن ايميل نفسه ما غيرته < أصيل قديمك نديمك
بس ما عاد ادخل الايميل الا نادراً < الـ BB وما يسوي طيح سوق الأيميل
أتذكر جيداً :
كنت مسجل بمنتدى ياسر المسيليم الرسمي
كان مدير الموقع صديق لي تعرفت عليه من النت
طلبني اكون مشرف وما كنت ادري وش يعني ( مشرف )
المشكله أني كنت انزل مواضيع مخالفه وانا مشرف < تحشيش
لا جد كنت مفهي مره مره مره الرجال كان مستحي مني
إلى ان تم اغلاق المنتدى
. .
حقيقه للأن لم استمر في منتدى بأنتظام
الا منتدى اسمه ( اسلوبي غير ) كنت مشرف
على القسم العام فيه وكانت تجربه ناجحه نوعاً ما
. .
تجربي في الفيس كانت فقط طريقه
لجعلي اتواصل مع الأصدقاء القدماء
بطريقه سهله وتبادل الصور !!
. .
والأن اغلب وقتي على الـ BB والتويتر فقط !
الي اكتشفته من المنتديات وعالم النت
من الممكن أن تتأثر بفكر بسهوله
ومن الممكن ان تجعل لك راي يبناء عليه
ومن الممكن ان تغرس فكره في راس احدهم
ومن الممكن ان تتعرض للشتم بسهوله
لأنك طرحت فكره أغضبت البعض
طبعاً الأنترنت عالم حر لا يمكن لأحد
ان يسيطر عليه او ان يسد افواه
الجميع يتكلم الجميع يطرح ( أفكار )
سلبيه كانت ام إيجابيه !!
أسف على الأطاله
اصدقاء المجلس . .
البسمةة ( رائعه كالعادة )