بين الصدود وبين كثر المشاريه=حياتنا ياصاحبي صارت إهموم
قل الوفاء والجرح محد(ن)يداويه=جرحك حبيبي كوم وأجروحي بكوم
كان الخطا هزة محبه وتشويه=لو الخطا مني ومنك مع اللوم
اقفيت عني حلم مازلت اناديه=ياحلم عمري مابقى غيرك إحلوم
طال السكوت وخايفه اتوه واتيه=متى على الله يرجع الوصل ويدوم
طال الزعل قلي ترى ويش تاليه=ابعتذر لو ماانت بالعذر ملزوم
الحب مانقدر حبيبي نخفيه=العين تفضح شوق الاحباب ياقوم
حتى ولو نزعل ونحتار ياهيه=مصيرنا واحد من إسنين لليوم