من هاجس(ن) حطم سكوتي يابو شوق=وخلانـي اتفـوه واعتـق عتيقـه
في شاعر القناص ابسوقها سـوق=عن واقع احوالي خيـال و حقيقـه
وانا لعينا من حدانـي علـى اوق=قلت التجانس لصبح القـاف ايقـه
لي هاجس(ن) كالحر لهد مـن فـوق=ماصـاد غيـر النـادره والطليقـه
اورده عدن له الـراوي ايـيتـوق=وعد الضوامي منـه مابـل ريقـه
اسبر له العسرات في كل طـاروق=اموثق(ن) لـه مـع الاكابـر وثيقـه
من ذوقنا العالي وياباشـة الـذوق=الحلم وانا صاحيـ(ن) كيـف اافيقـه
اللي غـدو ربعهـا دونهـا طـوق=ماجرعوني غيـر همـ(ن) وضيقـه
والعبره الي تجعل الحلـق مخنـوق=وحسايف(ن) شبـت بقلبـي حريقـه
ودمع(ن) تزبر بارقه داخـل المـوق=يرعدلـه التنهـات وازرى يريقـه
ماسال وانا نسل من تغنم النوق=نوقن عليها وسم قومـ(ن) عريقـه
فريسنا من يجعـل الـدم مدفـوق=من منحر(ن) كلـ(ن) عجـز لا يعيقـه
انا ابدوي ثوبي على المتن مشقوق=ماقيست افعولي بلبس الرقيقه
فقولو لها مادمعي اليـوم مريـوق=وبااشيل حملـ(ن) قومهـا ماتطيقـه
اعنادهم شلته على عاتقـي عـوق=عوق(ن) يفرق عاشق(ن) من عشيقـه
وشايل لها عشق(ن) في القلب موثوق=واشواق بيـن الثانيـه والدقيقـه
ومحبت(ن) تجري مع الـدم بعـروق=ومشاعـرٍ بيـن الحنايـا غريقـه
وبااعلق امالي بمطـرود ملحـوق=لعلـي القـا ياغناتـي طريـقـه
والخاتمه بااقول منطـوق منطـوق=فيه الخيال ايـزف وجـه الحقيقـه
العشق كاسن وسطه المـر مدقـوق=يثمل به العاشق ويعجـز يفيقـه