* أقتباس(1) بقايا الطعام لي معها مشوار كعائله مسلمه تُقدّر النعمه ، نجمع بقايا الطعام في كرتون بـ ( السيب ) ـ السيب ـ هو الحوش الصغير اللي حول البيت ، و عصر الجمعه نروح مع الوالد الله يحفظه و نوديه للبعارين ، هذا المشاور كاااااان قمة المتعه أقدر أعتبره من الترفيه لنا بذيك الايام كنت اعيش هذا الوضع الرهيب لمآ كنت انزل الجنوب صوب الديره بس فيه اختلاف بنوع الحيوان كنتوا يابيسو تودون الخبز والرز للبعارين ، وحنا كنا نوديه للغنم والقرود ترفيه وبس ، قولي كان قمة الترفيه ، الله يسقيها من ايآم .! أقتباس(2) يوم الخميس ..وسوق الخضار بما أن بيتنا دايم يعج بالضيوف من خارج الرياض فـ لازم اسبوعيا الوالد الله يحفظه يعبي الثلاجه من الارزاق و احنا لازم نكون له مرافقين .. تعرفون نساعده بالاختيار و ايضا هالمشوار كان قمممممممممة الونااااسه ترفييييييه يا عالم ترفييييييه والا وش حادنا نطلع بعز القايله ونترك البيت ومكيفاته جد علينا مزااااج هههههـ بس كان مشوار ولا أحلى من يشاركني بهالمشوار ؟ والا بس أنا القديمه وانتم جيل سبيس تون لا أبشرك ماني من جيلها بس الكذب شين كنت اتابع فيها عهد الاصدقآء والمحقق كونان ..!!!! ماعلينا نجي لسوق الخضآر ، عاد هذا كان قصة لحاله ماكآن يروح مع ابوي إلا أنا مع ان تحتي حوالي السته بزارين بس كان ابوي يسحب عليهم وياخذني و في الأخير ماياكلها غيري ، تنقطع انفاسي وانا اسحب كيس الطماطم ياكرهي لذاك الكيس باقي معقدني نفسياً في الحياه كل ما أشوفه ..!! أقتباس(3) كل الرياضه .. ميزة الخميس الرياضه بذيك الايام غييييييير ما عندنا استوديوهات تحليل ولقاءات مباشره ..لالا ما لنا إلا برنامج كل الرياضه نشوف فيه لقاءات و فرحة اللاعبين والتدريبات وهالاشياء ،و لااااااااااازم أشوفه وإلا خلاص يفوتني ..لا إعاده ولا يوتيوب أبحث فيه بس متعه جنااااااان حاليا كثر البرامج الرياضيه أفقد الرياضه متعتها بالنسبة لي الله على ظهر الخميس ، كان للبرامج الرياضيه متعه وطعم حقيقي مع كل الرياضه وكان يقدمه المذيع عبدالله الزهيآن هو وتشخيصة الكوبرا إلا وين رآح هالمذيع .. ؟! كم كنت اسنتر عند البرنامج انتظر تصريحات الامير بندر بن محمد بذيك الأيام اما البرامج اللحين بجد سماجه ولا واحد فيها يستاهل المتابعه بإستثناء صدى الملاعب * بيسو روحي الله يسعد خفوقك وقلب وسط جوفك مثل ما ابسطتينا بــِ طلتك الحلوه هذي كثري من هالحركات تري المجلس كل ابوهم انتي امهم ..!! .