ابيات على عجل وسامحونا على القصور
الا واشيب عيني يوم اجي لديارهم واروح =ايهل دمع العين يالجواد من سبة فراق
فرقا الولايف جرح ماله طب من بين الجروح=حلو الهوا لو طالت ايامه يجي مر المذاق
احترت في وصفه وقلبي من غرابيله سموح=الا ياكاملين المعرفه سلك الغرام دقاق
هني من له قلب يالجواد مايقدر يبوح=ترا المفارق ليل اسود سرمديا مايطاق
طول الهجر بيني وبينه هد سيسان وصروح=من اسبابه ترى بعد الولايف والقلوب رقاق
لو ان شوفه لاعنيت وجيت لديرته مسموح=واللهِ لجيله ولوهو من ورا حد العراق