النقطة الثانية : الشوط الاول كان فالهجوم ياسر و محمد سالم الساعدي, حتى محمد الساعدي فالاساس هو لاعب وسط متقدم و تحديدا يلعب فـ مركز 10, خلف المهاجمين لكنه في هذه الملعب لعب مهاجم لـ عدم تواجد مهاجم اخر غير ياسر, لذلك ما اعتقد ان ياسر كان صانع العاب لانه لو كان كذلك بيكون مافي مهاجم صريح فالفريق,

وانت الحين من جدك كل ذا النقد على اعتقاد ان ياسر ماهو صانع العاب

بما ان اغلب العناصر غايبين اكيد انه صانع العاب لانا كلنا شفنا كيف

يصنع بدقه وكور مقشره لجيان فمو مستغرب انه يكون صانع العاب ..

ولا تنتقدون الردود مثل ماتدافعون عن ناديكم يحق لنا ندافع عن ياسر

والله العظيم ظالمينه وهذا اللي يخلي الردود مستفزه شوي وفيها الفاظ

الحين تقيس مستوى ياسر من بداية الدوري ليس ماتحسب بالدقايق اللي

لعب فيها والا عدد المباريات اللي تواجد فيها الحين ظلمته مرتين

1- الاولى لما انتقدته لحاله بين اللاعبين الباقين وحملته الخساره وقلت

كلام من الظلم ينقال عن ياسر .

2- الثانيه لما تقول معانا 7 شهور ولا قدم شي غاب اكثر من ما لعب

وانظم للمنتخب وهو معاكم هذي لاتحسبها والمباريات اللي تواجد فيها

صح معاك حق هدف دوري و2 كاس لكن اهداف جيان في الدوري من

يصنعها اكثر المباريات اللي لعبها وهن اساسا ينعدون على الاصابع

لان مسيرته كلها غياب كان ملفت وحديث المحللين بلمساته بتمريراته

الماكره بانسجامه السريع مع اللاعبين ..
مهاجم وماسجل مثل جيان لكن وش يقدم في الملعب بالرغم من رجوعه وسط

هنا تحكم على مستواه وربكم كفايه ظلم .

بعدين ياخوي لا تقارن مستواه مع العين ومستواه العام

مع الهلال غاب للاصابه لكن مو مثل غيابه مع العين

غايب من فتره طويله .. صدقني ياسر يحترق للشعار اللي لابسه

ومباراه النصر كلنا شفناها مو ذنب ياسر اذا يحرمه الحكم من

ركلتين جزاء كانت كفيله بتسكيتك انت اولا وباقي الامه العيناويه

عن نقده ..

ليش دائما تنظرون لياسر على انه الساحر اللي لازم يسجل

ومع ياسر بس ماتعترفون بشيء اسمه توفيق من رب العالمين

مباراه النصر اكلناهم اكل لكن سبحان الله مكتوب لكم تنهزمون

ضاعت فرص بالجمله من ياسر ومن غير ياسر هذا يعني

ان الفريق كله مو موفق في المباراه وماتكلمتو وش معنى اليوم

لو كان العيب في ياسر كان الفرص اللي جات لغيره ترجمت

لاهداف .. مكتوب لنا نخسر اليوم ومافي فريق مايخسر

ومن الظلم يكون شماعتكم ياسر ..

كلنا معاكم بالدعوات الصادقه وفك عقدة سنين مع الدوري

لكن لما يغيب فريق كامل ولاعبين راجعين من اصابه

انا اشوفها قليل الاربعه مقارنه بالظروف

وبعدين معاكم الداهيه كوزمين اللي مايستسلم بسهوله واجانب

مؤثرين مفروض تدعمون وبس دعو القياده لهم ,,

وانتظرو الذهب