الفريق الإيطالي في هالمباراه أعتبره من جد فريق متواضع !!
الوسط مافيه ذاك التحضير اللي يسوى للهجوم والتحضير كله طولي وبشكل غالبا يكون عشوائي
الدفاع وضح تأثير نستا بخمبقة ماتيرازي واللي من جد مايستاهل يلبس فنيله الأزوري واما كانافارو كان يحاول بس اليد الوحده ماتصفق !!
جروسو يمكن حسنته في المباراه هو التمثيل الرائع اللي يستاهل عليه جائزة الأوسكار في ضربة الجزاء الظالمه !! اللي أهلت ايطاليا لدور الثمانيه ومابني على باطل فهو باطل وهالشي معناه ان مغامره ايطاليا بها المستوى الضعيف في البطوله راح تنتهي على يد عيال شيفا اذا قدرون يطلعون سويسرا أو حتى سويسرا بقياده فري اللي دفاعها من جد مميز اذا تأهلت بعوده البطل ساندروس لاعب القنرز
زامبروتا لعب اليوم في الجهه اليمنى وكان متعطل هجوميا بشكل كبير ويوم طلع كم طلعه هجوميه شكل خطوره هالآدمي يعجبني لاهجم بثر بقوة كورته ماتنقطع واذا انقطعت سوا فاول ومنع هجمه مرتده على فريقه
الوسط بقياده بيرلو اللي كان اليوم مهب بيرلو اللي نعرفه وقوتاسو الهائج اللي كان يلعب بشكل كويس ويقطع كور بشكل صحيح وعطل تحركات تيم كاهيل وجنبهم بيروتا واللي كان يساند الهجوم اكثر
كان يلعب قدامهم ديل بيرو واللي مصخها بشكل كثير في احتفاظه بالكوره في الكثير من الاوقات وامامه كان جيلاردينهو و توني الثنائي الهجومي !!
تغييرات مارتشيلو ليبي خصوصا تغيير جيلاردينهو ودخول ياكوينتا كان الله بالخير ومستعجل كثير وجاء بعده الطرد وطلع توني ودخل المدافع بازراني اللي غطى خانه الدلخ ماتيرازي بشكل كبير ومفروض هو اللي يلعب من أول حسيته ثقيل بالملعب واداءه مميز !!
التغيير الثالث وهو افضلها دخول الملك توتي مكان ديلبيرو ورغم ان توتي مو في مستواه لكن لايمنع انه يمتعنا ببعض اللمسات الحلوه خصوصا في آخر الدقائق.
هيدينك اليوم اقدر اقول لا اول مرة يضيع المباراه من يده بشكل غريب
تشكيلته كانت مكونه من حراسة بقياده الحارس الأساسي شوراتزر وسدح هالمره النكبه كالاتش احتياط والدفاع مكون من لوكاس نيل كاريغ موور وشيبرفيلد اللي قدم مستوى مميز اليوم !! وفي الوسط تيم كاهيل و كولينا و ويلكشاير وقريلا و ستيرجوفسكي وبريشيانو وفي الأمام وحيدا فيدوكا.
وسدح جنبه المهاجمين هاري كيويل وجون الويزي !! رغم انه كان مفروض يدخل هاري كيويل بعد طرد ماتيرازي عشان يشكل لخبطه وزياده عدديه للهجوم الاسترالي في مواجهه الدفاع الايطالي !! بس انه تأخر بالتغيير ويوم غير طلع النشيط ستيرجوفسكي ودخل مكانه الويزي وفضل انه يسدح كيويل جنبه بالاحتياط اللي اذا ماكان مصاب فبقاءه على الدكه غلطه كبرى من هيدينك !! واللاعب ايمرتون كذلك مدري ليش مالعبه هيدينك مكان ويلكشاير اللي ما اعجبني مستواه اليوم هو وقريلا !! الوسط الاسترالي كان ضعيف وماقدر يمول الهجوم بكور ملعوبه صح وماقدرو يستغلون النقص العددي الايطالي في مواجهه الوسط الايطالي العنيد بقياده قوتاسو وبيرلو وبيروتا رغم ان اختراقهم كان سهل لو فهم هيدينك السر في هالشي !!
انتهت المباراه بضربة جزاء تمثيليه واضحه من جروسو سجلها الملك توتي لتتأهل ايطاليا لدور الثمانيه ببركات الله ثم توتي !!
أسوء مافي المباره اليوم الحكم الاسباني ميدينا بسبب تغاضيه عن ضربة جزاء صريحه لا استراليا بعد لمسه يد للكره داخل المنطقه المحرمه واحتسابه لضربة جزاء غير صحيحه في الدقيقه 95 من المباراه
استراليا خرجت بشرف وايطاليا تأهلت بـ (قرف) !!!