قوة إيطاليا في الدفاع اليوم ممكن تتأثر بغياب نستا ولعب الزلابه الكبرى الجزار ماتيرازي واللي من جد حاس انه بيخمبق وبيفك وجه فيدوكا ولا هاري كيويل وبياخذ احمر وبينقلع خصوصا ان الحكام هاليومين معجبهم اللون الاحمر وصايرن موضه !!! ياساتر يجيك حكم مطفي النور ويخرب المباراه النهائيه وتصير 3-0 لعدم اكتمال العدد المطلوب من اللعيبه خخخخخ خصوصا هالروسي المستلج !!
الزلابه الكبرى الآخر ابو قول في مرماه زكاردو اليوم ماأتوقع انه راح يلعب وراح يلعب محله جروسو اللي افضل منه بمراحل وفي الجهه الثانيه راح يلعب اكبر قوة للمنتخب الايطالي اليوم زامبروتا اللي لو يكون صاحي وفايق ورايق للمباراه راح يفتح شوارع في الدفاع الاسترالي خصوصا ان اللي قدامه شيبرفيلد سبيكه ويمدي تكر يسحبه فليب فلاب بعد !!
بالدفاع فيه ماتيرازي اللي من جد نكبه ومع اني انتراوي بس اكرهه وجنبه الراكد كانافارو اللي كان نستا يغطي أخطاءه واتوقع الدفاع الايطالي ربما راح يعاني اذا كان هيدينك جرئ ولعب با اثنين هجوم !!
الوسط الايطالي اتوقع وجود ثلاثي اللي هم بيروتا وقوتاسو و بيرلو كمحاور ويتقدم بيروتا من اليمين وبيرلو او قوتاسو من اليسار ويبقى واحد من الاثنين ورى وقدامهم راح يلعب توتي وان كنت أفضل ان الفرصه تعطى للملك ديل بيرو من بدايه المباراه وتوتي ينرزع احتياط خصوصا انه مهب في مستواه.
الهجوم الايطالي عندك لوكا توني و جيلاردينهو وفي الاحتياط فيه انزاغي اللي اتمنى ياخذ فرصه اليوم وايكوينتا اللي ماعطاه المدرب بعد فرصه الا في مباراه غانا وشربك لك قول حلو : )
هجوم ايطاليا حليو بوجود توني رغم انه مهب موفق و وجود النشيط جيلاردينهو
اتوقع هم الأفضل.