لو تلاحظ استراليا مشكلتها كبيره في دفاعها دخل مرماها في ثلاث مباريات خمس أهداف وسجلت هي خمس أهداف واللي سجلو لها الخمس الاهداف تيم كاهيل لاعب وسط سجل هدفين والويزي مهاجم سجل هدف و البطل هاري كيويل هدف و هدف للمدافع كريغ مول
تلاحظ الهجوم ماسجلو الا قول واحد وسجله هاري كيول ومشكوك فيه بعد انه تسلل والمهاجم الأساسي مارك فيدوكا ماسجل ولا قول يعني فيه شبه عقم تهديفي للمنتخب الاسترالي ولو نلاحظ أهدافهم راح نلاحظ انه ثلاث أهداف جات من أخطاء واضحه للدفاع الياباني اللي تهالك وهدفين واحد منها تسلل والثاني ضربه جزاء يعني اتوقع في وجود نستا وكانفارو في الدفاع الايطالي صعبه على الاستراليين يسجلون في المباراه في المرمى الأيطالي اللي يحتاج له هجوم قوي وقوي جدا و وسط فعال ودخول من العمق عشان تخترقه وتسجل فيه وخصوصا ان الدفاع الايطالي ماتسجل فيه الا هدف واحد وهو هدف عكسي سجله الزلابه زكاردو في مرماه.
يعني المباراه اليوم راح تكون صعبه للهجوم الاسترالي وممكن استراليا تجر المباراه لضربات ترجيح والايطاليين دايم يجيبون العيد في ضربات الترجيح