السلام عليكم ورحمة الله وبركاته
؛
كيف الحال عساكم طيبين !
.. مدري شلون ادخل بالموضوع لاني للحين ماني مصدق
يوم الثلاثاء الماضي بمباراة العين وبني ياس بالكاس حضرتها عشان اشوف ياسر وانا ادري انه
ماراح يلعب لكن قلت لعل وعسى نلتقي فيه
-
المهم بعد مانتهت المباراه رحت عند الباب اللي يطلعون منه اللاعبين وسالت العسكري اللي عند
الباب من وين بيطلع ياسر ؟! قالي والله مدري قلت طيب وش نوع سيارته < - ناوي انشب له هناك
قالي بورش باناميرا تلاقيها بالمكان الفلاني ولونها اسود قلت طيب ورحت انتظر ياسر
مامرت الا 5 دقايق الا واشوف ياسر جاي
؛ وعاد انا طرت من الفرحه وماصدقت اللي اشوفه
لان حلم كان بالنسبة لي اني اشوفه واتكلم معه .. سلمت على ياسر وتصورت معه وكلمته
طلبت منه طلب وهو انه يعطيني القميص حقه قالي ابشر ولايهمك دامك تبغيها .. مباراتنا الجايه
ضد عجمان بالعين تقدر تحضر ! قلت ايه ان شاء الله بحضر
وجاء وقت مباراتهم ضد عجمان وحضرتها ومتوقع انه راح يلعب لكن المصيبه لما شفت ياسر ماهو
بالتشكيله الاساسيه ولا الاحتياطيه -.- " لكن قاعد يشوف المباراه من المدرجات
قلت تمام قعدت انتظره بعد المباراه عشان اخذ القميص
طلع ياسر وهو متوجه عند سيارته بيركب وكان مستعجل مره لمحني وسلم وبأيده القميص
واعطاني ..
-
الحمدلله ان حلمي تحقق وقابلته واشكر ياسر من كل قلبي انه وفا بوعده واعطاني القميص
والمعذره طولت عليكم >< !
-
تحياتي سلطان 20