سلام من عاشق فريق الصداره=بالمختصرعاشق زعيم البطولات
سلام يارمز الكرم و الطهاره=يا خير للمحتاج في كل الأوقات
يوصل لأبو فيصل إلى وسط داره=و يبلغه مني جزيل التحيات
و بعد التحية و السلام و وقاره=و صله اللي بخاطري عبر الأبيات
يا أمير يا نبض الهلال و شعاره=قناتنا تحتاج لك أنت بالذات
يا أمير قناة الزعيم السفاره=و أنت السفير اللي بيدك القرارات
و حنا أشتركنا لجل نأخذ أخباره=و نتابع الأزرق بكل المجالات
لكنها للغير ربح و تــجـــاره=وحنا لنا تحليل والا اعادات
للي نشوفه و بصريح العباره=قناتنا فيديو كليب و دعايات