تكفين يا ام الدلع تكفين لا جيتـي=تكفين لا تنطلين الطرحه بسرعـه
زينك مسبب متاهاتـي وتشتيتـي=ياريف قلبي وبستانه ويا زرعـه
قلبي ترا بيتك وقلبك تـرا بيتـي=يامعذبتني بحـل اللغـز والرمعـه
ان كان ما تدرين وش كثر سويتي=من حبكم ما بقى فالعين لو دمعـه
ياتل قلبي ليـا بالحـزن غنيتـي=توقد بنارٍ بقلبي تشبـه الشمعـه
صيفتي وشتيتي صيفتي وشتيتـي=اربع سنينٍ تشابه عطلة الجمعـه
من حقك انك على غيري تغليتـي=ياعنق ريمٍ جمع زينه على طبعـه
والله لو يوم عن حبـي تخليتـي=ليطير عقلي ولا يبقى معي ربعـه
قلبي خذيتيه قولي ويـن وديتـي=قلبٍ رحل معك ماظنيت له رجعـه