ياحبيبي بعد طال المفارق تعال=انتها كل شي بغيبتك وابتدى
كل ماشفت زولك راح همي وزال=وانت مازلت توعدنب بطول المدى
كنك تقول بدري واليالي طوال=ارفع الصوت حتى الصوت جاله صدى
مابقالي جواب ولابقالي سوال=كلها ياحبيب الروح راحت سدى
اعشقك عشق مايطري على كل بال=في عيوني خطاك يصير كله قدى
لايزود النقاش ولايطول الجدال=عنغوان الهوى في خافقي ماهدى
ماذكر الا انت قدمي وانت فوق الخيال=كل شيٍ نسيته وانمسح ماعدى
ذكرياتك ومزحك والدلع والدلال=انتها كل شيٍ بغيبتك وابتدى

ياطول لليلي لوني ماتطاولته=ليلي هواجيس وعيونني مشقيها
لليلٍ سرابي وسراني من اولته=بعض الليلي صعيباتٍ مساريها
حاولت اطول القمر لاكن ماطلته=ولانجوم القريبه ماقدر احصيها
جاني رسول الهوى بلعلم وارسلته=برسالتٍ حن كاتبها لقاريها
دور علي مالقاني يوم حصلته=بين المحاني وقلبي رايحٍ فيها
مدهالك الي بقلبي ليش هملته=ارجع على ذكرياتك لاتخليها
والواقع الي صدمني ماتخيلته=ماداني البعد والفرقا وطاريها
انشد وش الي بقا في القلب ماقلته=لاتبتلش في الكليمات ومعانيها
الهرج بسلوب كثرته وقللته=هاذي تبيها وهاذي ماتدانيها
الشعر والقاف جملني وجملته=ليتك معي في اول الرحله وتاليها