إعداد :- ṗiηk qΰeeη تنسيق :- Ľā7ŇிẦĻ7ŶầŢ تصميم :- وطن داكن عرض في برنامج ارسال على قناة السعوديه الرياضيه يوم الأحد الموافق 25 - 12 - 2011م / 30 - 1 - 1433هـ لقاء مع الكابتن ياسر القحطاني ( الجزء الثاني ) في فقرة " مواقفهم مع الصحافه " تحدث فيه عن أمور كثيره منها معاناته مع بعض الصحافه والمحلليين وأيضاً المقدميين وعن الفرق بين الصحافه الأمارتيه وبعض الصحف السعوديه وكلمه للجماهير الهلاليه . الحلقه من تقديم : ماجد التويجري ، وعلي الشهري . و يسعدنا نقدم لكم ما يخص الكابتن " ياسر القحطاني " .: لقاء الكابتن ياسر القحطاني نصاً :. ماجد : طيب ياسر منت بنادم على أنه صورة العنف اللي إستخدمها.. أو أحيانا السخرية،أحيانا التهكم اللي إستخدم ، اللون اللي إستخدمه ياسر في ردة فعله تجاه الكثير من الإعلاميين ، إنه خسّرك أكثر مما كسّبك ..؟؟ الكابتن ياسر : وأنا أقول لك ، يعني الحمدلله رب العالمين همّ اللي يخلّوني ترى ، أعطوني ثقة أكثر ، تدري ليش.؟ ..إنت لما تكون نجم .! تعرفه أو تقيسه من خلال أيش .؟ تواجدك سواء كان سلبي أو إيجابي ، صح وإلا لا .. !! إنت مطلوب يعني، فهمّ اللي بيّنوآ لي إني أنا مطلوب .. إني أنا شيء كبير همّ يبوني أعاملهم معاملة نجم ، أنا عمري ماعاملت أحد معاملة نجم وأنت عارف ، فيه زملاء ولي محبّين كثر في الصحافة اللهم لك الحمد أنا تكلمت عن قلة والقلة ترى يعني يمكن لايتجاوزون عدد أصابع اليد ولله الحمد،الله لايزيدهم، بس أنا اقول لك وهمّ عارفين أنفسهم واللي على راسه بطحاء يحسحس عليها وراح تعرف أنت اللي على راسه بطحاء لما يرد على كلامي هو اللي على راسه بطحاء .. اللي أقصده أنا همّ .. همّ .. ماجد ( مقاطعاً ) : هل عندك الثقة أنه كلامك هذا في إرسال تحديداً في مواقفهم مع الصحافة أنه حَـ يرد عليه .. الكابتن ياسر : هو الأمر طبيعي .. ليش..؟؟ لأنه فرصتهم .. أنا كثير قلتها اللهم إرزقني وإرزق مني ، فأنا الحين أنا ليش ما أبغى اذكر إسم عشان ما أميّزه لكن هو يعرف نفسه وبيرجع يتكلم ، علشان يرجع لظهوره في الساحة ويستمر بظهوره في الصحافة ، في الساحة ، فهو يجي يجبرني أني أعامله أنا كنجم ، أنا .. أنا شخص عادي وإنسان عادي.. تمام .! لكن هو يجبرني أتعامل معاه بفوقية عليه هو فقط لا أكثر.. فهمت القصد ، فعشان كذا انا أهمّشه ، وصحيح أنا أهمّشه لأنه هو في الهامش . ماجد : طيب فيه يعني مباراة بين الإتفاق والهلال ، بعد تسجيلك للهدف يبدو لي في الدمام ، أشرت بإشارة .. إي ..إي .. تفضل الكابتن ياسر (ضاحكاً) : لا أشرت بيدي بعدين حركة الإصبع بعدين .... ماجد : فسّرها هذي أكثر.. الكابتن ياسر : هذي لـ ..ِ شوف .. أنا يمكن مشكلتي اللي حاصله مع الصحافة واللي زي ماقلت لك إنها ، همّ يحاولون إنها تصير علي سلبية.. وأنا الحمدلله أحولها بشكل إيجابي .. ليش . ؟! لأنه همّ حسسوني زي ماقلت لك همّ حسسوني بنجوميتي لما أسوي شيء حلو.. لا يذكر ويخفى الموضوع ولما أسوي شيء سلبي .. يذكر.. ليش .؟ ماجد : ويضّخم .. الكابتن ياسر : إيوه ، ليش .! لأنه يقول لك وجهة نظره أو تفكيره في عقله الباطن إني لما أذكر أنه ياسر سوى شيء هذا الإيجابي ، فياسر نجم .. يعني عادي ومتوقع منه الشيء هذا ، بس لما يسوي أمر سلبي لا غير متوقع فهذا اللي حَ يضرب معي .. ، فهو يعاملني الآن معاملة أيش.؟ .. هو الآن لما سوى الطريقة هذي عاملني معاملة نجم صح .. صح والا لا ؟ ماجد : آهآ .. الكابتن ياسر : فهو .. هو اللي يخليني ارد عليه .. هذي كانت .. رسالة كانت ، هي كانت مباراة حاسمة صراحة .. كانت الإتفاق متقدم علينا 2_ 0 وقلبنا المباراة وكان هدف الثالث ، وكان قبلها فيه .. فيها مناوشات بيني وبين الصحافة .. فكانت هذي الرسالة أنه ياللي تحكي كلام فاضي يعني إنه عرفت .. أنه وقف كلامك وإلا أعطيك على راسك ، فكان هذاك الليل أنت تبي في الملعب .. فهذا أنا الحمد لله سجلت ورديت عليك في الملعب تبي في منبر الإعلام رديت عليك بعد ، فأنا أقول لك أنه وصلت لدرجة انه ..بالعامية يعني ضحك عَ الدقون عرفت .. أجيب لك مثال .. جب لي أحد ذكر في أو ذكر في الصحافة السعودية عما يقدمه ياسر في الدوري الإماراتي . هل لاحظت الشيء هذا ..؟؟ لا .. بس شف فيه أي شيء سلبي بيصير من ياسر في الدوري الإماراتي بتلقى ..صح .؟ أنا اتكلم لك عن البعض . ماجد : مثل ماحدث يوم احد الصحف الإماراتية لما نقلت شيء معين ، كيف .. كيف البرامج كلها إنقلبت ، البرامج وحتى الصحافة . الكابتن ياسر : بالضبط..بالضبط..ماهوأنا أقول لك يعني..يعني صراحة هذا كان .. أنا أشكر اللي كان لهم نوايا طيبة في الموضوع .. لكن اللي حاولوآ أنهم يستغلون الموقف عشان ينشغلون أيضاً .. عرفت .. قاعد أقول لهم ترى أنا من .. الموضوع هذا كان من ثلاث سنين أو أربع سنين ما أحد حرك ساكن .. صح .؟ لكن في النهاية نهاية النقطة هذي إنه انا وصلت لدرجة أنه .. القناعة ، والقناعة هذي ترى من ثلاث سنين عشان أقول لك أنه موب الآن أنه كل عمل يعني عمله ياسر إيجابي فهو أمر عادي ، لا يذكر لأنه أيش ..! في وجهة نظرهم متوقع من ياسر وهذااللي زادني قوة وثقة في نفسي وأي عمل صغير يعمله ياسر سلبي فهو يضخم ، فهم اشبه بالـ .. يعني الباباراتي اللي يدور على الأمور السلبية مايدور على الامور الإيجابية ، والباباراتي يلاحق مين .؟؟ يلاحق النجوم . ماجد: جميل .. طيب ذكرت في بداية الكلام بأنك أنت .. بأنه هناك من كذب عليك في الصحافة وعدة مرات .. ووصلت الأمور أنهم حتى يكذبون على أبوك الله يطوّل بعمره .. السؤال .. الكذب هو فقط مقتصر على تصاريح وردة فعل وقت الحدث والا وصلت الأمور إلى حوارات ومواجهات . الكابتن ياسر: أوهوه .. ماجد : كيف أوهوه .. الكابتن ياسر : أنا الحين أبغى أعرف .. أنا خايف صراحة يعني .. أخاف أنه أنهم يفبركون لقاء تلفزيوني يمكن على الهواء ، يعني إمتد يعني .. حوارات صفحتين ..!! بمانشيت .. ماجد: حدثت هذي ..؟! الكابتن ياسر : حدثت .. بمانشيت .. ماجد : قريب وإلا بعيد .؟ الكابتن ياسر : بـ .. فيه بعيد .. لا للأمانة بعيد يعني مو قريب ، مو قريب بعيد فـ .. صفحتين .! مانشيت وجريدة كبيرة ..!! ماجد : ونفيتها ..؟! الكابتن ياسر : نفيتها وصار فيها مشكلة كبيرة ماجد : وتقبلت الجريدة اللي نزلته .؟! الكابتن ياسر: أبداً ماجد : يعني عدّا الموضوع وكأنه حوار صاير الكابتن ياسر: وكأنه حوار صحيح 100 % .. ماجد : طيب بانت الصورة تركيب للصحفي ..؟! الكابتن ياسر : أبداً .. يا أخي ممكن ممكن تكون بيني وبينك تواجد صورة .. بس هذا معناته أنك تنزل حوار على لساني ..؟ صح والا لا .؟ ماجد : صح .. طيب هذا وش .. وش خلق عندك .. خلق عندك لاثقة في الصحافة المقروءة ..؟؟ الكابتن ياسر : جداً .. يعني إنت لما تشوف عينة زي كذا .؟ .. نظام المشكلة عندنا تدري أيش .؟ ياسر أبسوي معك لقاء قلت له يا أخي أنا ما .. ماودي أسوي معك لقاء أنا .. أوك .. راح نزل على لساني تصريح .. ليش .. نزلت تصريح على لساني وأنا ماصرحت ؟ قال لي أنت ماتبي يا أخي .. قلت يا أخي ما أبي يا أخي .. ما أبي أنا من أبسط حقوقي أنا .. طيب يا أخي أنا .. أنا شكلك موب عاجبني يا أخي .. ما ما أبغى أصرح لك ..عرفت .. ليش تصرح لزميلك .. يا أخي زميل لي .. أنت قلتها .. هو مبدّأ عندي عليك .. لكن لو أنا وعدتك وعطيتك كلمة ماراح .. ماجد : تغيرها الكابتن ياسر :أغيرها وفيه شباب كثير للأمانة .. مبتدئين في الصحافة وعدتهم مع أنه شوف..أنا اقدر اعاملهم بمعاملة أيش .! أنه لا حبيبي يا تجيب لي صحفي كبير عملاق يجي يسوي معي الحوار.يا .. لا أنت صغير وما صغير زي مايسوي غيري فيه لعيبة يسوون كذا على فكرة..من غير ذكر أسماء..لكن لا وربي انا أحترم أي شخص يجيني ولا أبدأ بالإساءة .. فـ وعندنا يعني انا . يعني وأرجع أقول لك يعني .. إحنا يمكن كلامنا كان كله سلبي ..لكن اللهم لك الحمد عندنا صحف ، عندنا محررين، عندنا كتاب ، عندنا رؤساء تحرير ، محللين ، عندنا مقدمين برامج عظماء في الصحافة ويشار لهم بالبنان وفخر وشرف ، لكن للأسف دائماً زي ماأقول لك الخير يعم والشر يخص والإعلام عندنا أو الجمهور عندنا موب في حاجة أني أوعّيه أنه هذا .. هذا .. أو أني أبين له أنه أو أظهر أن هذا الإنسان الصح ، لا أنا ودي أكشف له أول شيء الخطوة الأولى أني أكشف له أنه هذا الإنسان خطأ، وهو ..هو بنفسه صدقني إذا صدق أن هذا الإنسان خطأ راح يعرف مين هو الشخص الصح . ماجد : من خلال معايشتك للصحافة الإماراتية حالياً في الفترة اللي أمضيتها في نادي العين ، قلت اني عايشت الصحافة الرياضية السعودية سنوات طويلة .. يعني هم أفضل منّـا .. شفت أنا سألتك السؤال من أشهر.. يعني همّ بالعربي خليني أعطيك إياها بوجه آخر .. هم يكذبون مثلاً على....؟؟ الكابتن ياسر( مقاطعاً) : لا همّ شوف ..شف كل مكان في الدنيا فيه الزين والشين ، في كل مكان يعني أنا أرجع وأقول لك صحافتنا اللهم لك الحمد الصالح فيها يغلب على الطالح بمراحل لكن الطالح هذا قاعد مسوي بلبلة وشوشرة والعيار اللي مايصيب يدوش زي مايقولون ، الصحافة الإماراتية نفس ، نفس الموضوع ، لكن طبعاً تعرف إختلاف التعداد، إختلاف المتابعة ، إختلاف الجغرافية نفسها.. يختلف المقارنة ، لكن أنا اللي لاحظته إلى الآن الحمدلله مالي مشاكل مع الصحافة الإماراتية ، ردة الفعل اللي حصلت بعد مشكلة الصحيفة الإماراتية اللي كتبت المانشيت ، تعامل الصحفيين لما الصحفي يكلمني و.. وانا أعتذر منه بأدب على الموضوع وردة فعله بإحترام لي ... يمشي.. فيه صحفيين من السعودية جو من السعودية هنا ويقول يا أخي أنا جايك من هناك عاني متعني ، طيب يا أخي عاني متعني حياك الله أعشّيك و، وأغدّيك لكن يا أخي ماعندي كلام أقوله لك موب معناته انت تجي تحطني أمام الأمر الواقع ، يعني مَاهي بـ خطبة هي والا زواج . ماجد : طيب في النهاية بعد ماتكلمنا عن الصحافة بشكل طويل وعريض وكذا .... الكابتن ياسر(مقاطعاً) : لا لحظة أنا عندي نقطة إذا سمحت، إذا تسمح لي .. أنا أدين .. أدين لبعض الصحف .. وبعض الكتّاب، وبعض المحللين بـ يعني بالكثير .. لهم جمايل على ياسر ولهم وقفات مع ياسر لاتحصى ولاتعدّ .. ماأقدر أنا أحصر لك اسماء ، أذكر أسماء لأنه الحمدلله زي ماقلت لك كثر ، كثر.. لكن بداياتي للأمانة يعني في كرة القدم كانت في المنطقة الشرقية، جريدة اليوم كانت برئاسة الأستاذ محمد البكر والأستاذ عيسى الجوكم ، فيه صحفيين أيضاً كانوآ متواجدين .. جريدة الرياضية ، جريدة الجزيرة، جريدة الرياض، جريدة الرياضي أيضاً اللي يمكن الهلاليين ما ينظرون لها لكن فيه ناس أنا أقول لك أشخاص في هذي الـ .. ماجد : لهم مواقف . الكابتن ياسر : بالضبط .. يعني في هذي المنظومة لهم مواقف مع ياسر إيجابية ووقفوآ معي كثير ، فيه يا أخي الأستاذ غانم القحطاني عندكم بالقناة ... ماجد : .. منسق القناة ..وفيصل السالم الكابتن ياسر : بالضبط .. يعني فيصل وقف معي كثير للأمانة وأنا أعجز عن شكره يعني ، من أيام ماكان صحفي .. ولأنه .. ولأنه إنسان طيب ونظيف .. شوف ماشاء الله تبارك الله . ماجد : يستاهل . الكابتن ياسر : القناة الرياضية وتغيّرها وتطوّرها يعني بعد دعم ورعاية صاحب السمو الملكي الأمير تركي بن سلطان يعني غيرت في شكل القناة غيرت في منظومتها . صار فيها إحترافية أكثر صار فيها إهتمام ، يعني الأستاذ عادل عصام الدين قاعد يقوم بشغل كبير إنت ماجد مسجل البرنامج قاعد تقدم لنا أشياء الناس تبيها ، الناس تحتاجها يعني ، نتمنى إنكم ، إنكم يعني تستمرون في هذي المواقف ، فيه ، فيه برامج أيضاً سعودية في قنوات أخرى ترفع الراس ونفتخر فيها .. هذا مو معناته أنه المنظومة حقتنا كلها سلبيه ، عندنا إيجابيات اللهم لك الحمد كثيرة ، لكن أقول اللهم لك الحمد إحنا الآن لازم نبين السلبيات ونعالجها علشان الناس تعرف أن هذا شيء خطأ ، الموضوع الإيجابي بـ يبان وبيصير واضح للملا لأنه إيجابي وصادق وأتمنى أن الله يعني يكثّر الصحفيين واالمحللين اللي ، اللي يفهمون كرة القدم ، ويقلل اللي عنده فقر فني في كرة القدم . ماجد : وطيب .. ورسالتك للجمهور الهلالي بعد كل هالـ .. يعني ماراثون مع الصحافة الورقية ..؟؟ الكابتن ياسر : ودي أني .. ودي أن روحي طير وتجيهم .. بإختصار لمتابعة لقاء الكابتن ياسر القحطاني فيديو [ إضغط هنا ] قريباً تقبلوا تحيات فريق عمل :- Yasser Media