دامه زمن جَكور واودي وبي أم=خل الخيول تنام ماهـو زمنهـا
اللي من اول لجلها نرخص الدم=والخير كله منعقد فـي رسنهـا
اليوم ماصرنا بهـا يـوم نهتـم=ولا نقدرهـا ونعـرف ثمنـهـا
هذا مثال الواقـع الهـم والغـم=وايامنا اللي صبرنا ضاق منهـا
تعبت اداري ضيقة الصدر واكتم=حزني .. ولو نفسي تزايد حزنها
كل يوم اقول الجرح لابـد يلتـم=والجرح زاد وقام يامـر وينهـا
ياما كواني ضيق واجتاحني هـم=وارخى على نفسي ولاشح عنها
زاد بقساه ولاطرى يوم يرحـم=حرّه تشوف الظلم داخل وطنهـا
اصيلتـن ماقادهـا كـل مغـرم=ولا الرديه من بغاهـا حضنهـا
حرّه عريبة خال ومعربـة عـم=تشهد عليها نجد واللي سكنهـا