يابارقٍ لوّحت .. لليل ضوّحت=ثوّرت فيني خامد الحب والشوق
ذكرتني في بسمته عقب مالحت=ونقضت جرح وسال من ضيمه الموق
وانا كتمت اللي بصدري ولا بحت=ومن كثر مابه ؟ صرت عابس ومخنوق
اسهر بهاجوسي ولا مني اصبحت ؟=اهجع واشوفه جعل ماناشه العوق
وأفرح .. ولامني من النوم صحصحت؟=اقول : ياليتي من النوم ماأفوق
قد صحت من درب المحبين قد صحت=ماطاعني قلبي وساق القدم سوق
وش زان لك ياقلب ؟ مبسوط وارتحت؟=قد علمك عقلي ولكنك مطفووق
ولا أنت ياللي ماخذه عقب ماأجتحت=اضلاعي بليّا تنحنح ولا ذوق
ماطحت من عيني ولو جرت ماطحت=تبقى بعيني لك مكانه ومرموق
انساك ؟ كيف انساك من عقب مارحت=وانته تركت بداخلي جرح وفتوق
السيل ماعمره رقا فوق من تحت=واذا رقا ؟ بأنساك ياأعز مخلوق