( وفر اقوالك )
طلبت اني أعوّد لك؟؟..لكن للأسـف ماأعـود=تجرحّني بكم كلمه و أنـا جرحـي تجـاوز حـدّ
(ولاتصدق اذا انا قلت)..مالك خاطرٍ موجود=و لاتصدق إذا أنا قلت عـدّك عندنـا ما أنعـدّ
ولاتسأل عن الاسباب لأنك عارف المـردووود=ولأنك لو سألت (سعيد) بيفحم خاطرك بالرردّ
سيوفك بارزه ضدي..وقلبي ماخذنـه اغمـوود=جروحي داميه منك...وشامـخ خاطـري إنهـدّ
تعذّر لي عذر واهي و لالـه شاهـد و مشهـود=و تتوقع أبتقبل ؟؟ ابـي أعـرف تكلـم جـدّ ؟؟
وتضحكني بقولك لي ..أحبك حب دون حـدود=ترددهـا وحافظهـا .. و لا تعـرف لهـا مقصـدّ
مع اني كنت لك وافي ..بوقت الضيق انا موجود=و لاقصرت فـي ودك و أنـت مقصـرٍ بالـود
ولافي يوم زعلتك ولافي يوم جـااك اصـدود=و إما انتـه فـلا والله تجازينـي بفعـل الصـدّ
تذكر يوم انا لجلك اشيـل الجاهـد المجهـود=و تذكر يوم انا اغازل عيونـك شاطـرات الحـدّ
وتذكر ويش تتذكر..ترا مافيـه شـي معـدود=لو آذكّرك و آذكّر؟ .. أبتعـب ماوصلـت العـدّ
لذلك أعتذر وآقول طريقي صار لـك مسـدوود=ولو تسمح تكرمنّي بغيباتـك .. أكـون اسعـدّ
تعرف أنك مقصّر حيل تعرف أنك هملت عهـود=لذلـك وفـر أقوالك .. و خلـك منحشـم وأبعـدّ