ياذا القمـر طالبـك بلـغ تحياتـي=للي نساني وانـا عاميـن منتظـره
وش فايدة دمعي وحزنـي واهاتـي=لا صرت ما اطري على باله ولا مره
العام ماغيره انسانٍ سكن ذاتـي=واليوم عفته وعفت الحـب بالمـره
على طريق الغضي ياكثر روحاتـي=ودموع عيني على الخديـن منتثـره
والله لو واق ساعـه فـي معاناتـي=ليعيش باق العمر كنه علـى جمـره
وياكيف اوصف معاناتـي بالابياتـي=من واحدٍ كف خيره وانطلق شره
مانيب بحيٍ ولاني ضمن الامواتي=ماني بحيٍ ولا مرتاح فـي قبـره
بالحب احاكيـه مايفهـم محاكاتـي=وانا مرسيه مـن بحـره ليـا بـره
يامن خياله خويـي كـل الاوقاتـي=ويامن سقاني حـلاه وعقبـه مـره
ويامن خياله يجيني فـي صلاواتـي=لو باح سري حشى مابحت في سره
وياملخبطٍ كل مارتبـت صفحاتـي=ارحم محبٍ بحبـك راح فالجـره
ولو قام من مدفنه ياسـر عرفاتـي=ولو الحمامه تعيف الغصن والشجره
منساك يامسببٍ حزني وازماتـي=ياعود ريحانتٍ مالت من الثمـره