( عشر سنين )
عاد عيدك و عادة سنينـك الجميلـه=كل عام و الحب في خيـر و سلامـه
عشر سنين قلبي ما يبي غيرك بديله=مهتوي حبـك و لا يفكـر بالندامـه
عشر سنين لعيونك نسوي المستحيله=نبني البيت و غيرك يحـاول هدامـه
عشر سنين و قلبي هو قلبـك دليلـه=فيه من التعجب و الامنيـات امامـه
عشر سنين حظي راكبن فوق خيلـه=يحمي قلبك الطاهر من لايم و لوامـه
عشر سنين متوكل و الله اللي وكيله=ومن توكل على الله السعاده قدامـه
عشر سنين عميلي و انا و الله عميله=سحرني بعيونـه و فصاحـة كلامـه
صدوق في منطوقه ما هو مثل جيله=احاسيس و مشاعر في عيونه علامه
قلبه اخضر طبيعي و غيره من انجيله=من الخارج فخامه و الداخل كله خامه
قلبي فيك متعلق انت وش مسويلـه=لا يعد الليالي و لا يحسـب لايامـه