شكيت للظلمى فضايــح نهاري=ابي استر لا صار للقلب زلات
ابي رفيقٍ لا شكيته يداري=يمسك على سري ولو قيل قد ماات
شفت الدجـى هو منيتي واختياري=ومطابقٍ وصفه على كل مافاات
ياذي الليالي كم تجيني طواري=وافراح بسعادتــك ولو هي قليــلات
في وسط بحرك مايطول انتظاري=مثل الحبايب وقتهــم بضع لحظاات
في وسط طياتك يثور انفجاري=ونظم حروف القوافي والابيااات
واشكــي همومي للنجوم السواري=ووصل افكاري له عبر نظراات