قال تغزلي في عيوني واراضيك=وتقوى محبتنا ونصبح قرايب
قلت الزعــل ياصاحبي لا يطريك=وابشر بعزك لو طلبت الصعايب
نذرٍ علي لخلي الحرف يعطيك=رقمٍ قياسي من قصيد الحبايب
واخلي القمرى بعد ذاك تهديـك=وسم الجمال الي على الوجه ذايب
مع صوتي المبحوح من فرحتي فيك=مع شوقي الدافي بشد الركايب
واترجم احساسي بشعرٍ يخليك=مرفوع راسك ماتنوشـك سحايب
ياصغـر ليلي عند عاشق لياليك=ولابد من قيسك تشوف العجايب