( سهم العيون )
طال ليلي وانا دمعي على خدي=واحسب ان الدموع تفيد باكيها
اتصبر وصبري باح من سدي=يايمـه علتي وشلون باخفيها
بان مابان بي والجسم منهدي=والعرب تفهم الدعوى بطاريها
صابني با لعيون السود والقدي=واثر من صابته لازم يباريها
واتوجد وهو مايدري بوجودي=والله اعلم على النيه وصافيها
وعقبها والمنام يحل ويشدي=والعيون الشقيه من يراعيها
ليت سهم العيون يرد ويصدي=كان مايشتكي المصيود راميها
كان ماطال ليلي ساهره وحدي=والعيون الصويبه نام راعيها