كل المخاليق باستغراب تسألني=والحب لوكان مخفي بان عنوانه
واللي ع البال حبه غصب مشغلني=واجحد واجامل مع العذال من شانه
وان شفت زوله بدون شعور زلزلني=زلزال جزر تفـــجر فيــه بــركانــه
راحت حياتي وانا حزني مطاولني=ودنياي من غير خلي مالها خانه
حكي العواذل على المجمول يقتلني=اقرب قريب غدى له مثل عدوانه
وانا غرامه مع التفكير عازلني=وخيال فكري بطيفه مطلق اعنانه
ابغاه لو غاب عن عيني يوصلني=واعيش لو حلم كاذب بين ذراعانه
بس التمني مع الأحلام بهذلني=راكبت سفينة وهم بالحزن مليانه
وترسى ع شاطى الحيره ويذهلني=مركب غرامي تخلى عنه ربانه
غديت والصوت عبر السلك ينشلني=ينطق عسل والعسل ساسه لسانه
لامن تكلم مع الهاتف يبادلني=مشاعر هزها شوقه ووجدانه