شِف عيوني [ لو بغيت انّك تشُوف ]=دَمع شاعِر لَا قِسَى وقتِه عليـــه !
كِل همّه تِنفرج ( ضِيق الظّروف (=وكِل ضِيقِه ’ مالقَى قلبٍ ’ يبِيــه !
يوم ابعَد كنّه ل " عيني "خسُوف !=ويوم أقبَل اشرقت دِنياي فِيه
حتّى نفسي اوّل وصاله تعُوف !=واليوم نفسي تُوله وتشره عليه ,
الله خلّا هالبِشَر " طَبع وصنُوف " !=وكلّ واحد [ يملك الحُب بيديه ] ..
عين طبعي اني لشوفه لهوف=وطبع عيني كل لحظه ترتجيه
وشف عيوني لو بغيت انك تشوف=جرح شاعر والحزن هو يكتسيه
كل همّه يوصفك بأحلى الوصوف=وإن سألته .. جاوبك " مِن دُون ليه "
حلم عيني تلتقي كِل الكفوف=والحَكي يصبح بنظراته ويديه ..
والمشاعر من على شوفه " صفوف "=والعيُون بِظل عِينه " تلتقيه "
والشعر يصبح " تناهيد الضيُوف " !=وكل يُوم .. وكِل لحظَه هُو يجِيه ..
الله لا يِصعّب لقانا والظّروف ..=والله يجعل هالفرح هُو " يِكتسيه " !