في عز ما كنت اهوجس فيكـ وافتحلـكـ
ابواب قلبـي خذتنـي رجلـي لبابـكـ
وجيتكـ.. وانا ما اذكر اني كنت رايحلكـ
بس اذكر اني كـذا لاطـول غيابـكـ
ياما ترددت مـدري كيـف اشرحلـكـ
اجيكـ وارجع.. ابيكـ تقـول وش جابـكـ
يابـن الاوادم تـرى مليـت المحلـكـ
انا اعزكـ واحبـكـ واعشـق ترابـكـ
لا ضقت أضيق ..ومتى تفرح أنا أفرح لكـ
ولا غبت.. أموت ومتى ما شفتكـ أحيا بكـ
ان كان ودكـ ترسينـي علـى كحلـكـ
لميت عمري وخاويتكـ علـى اهدابـكـ
لكن قبل تنجـرف حبيـت اوضحلـكـ
مستقبلي في ايدينكـ واعمـل حسابـكـ
لو ضاع مستقبلـي مانـي بسامحلـكـ
يكفيني الماضي اللي ضـاع بأسبابـكـ
الشاعـــر \فهــــد المســــاعد