بسم الله الرحمن الرحيم
السلام عليكم ورحمة وبركاته
.
.
شحالكم يا الغالين 
عساكم بخير؟!
والله لكم وحشه يا آل النظم
اليوم راجع لكم بـ قصيده جديده
ولكن هالمره بصوتي وعسى يارب تعجبكم
ولكن قبل كل شي أحب أشكر مصمم الريمكسات عزيز مكس
عـ الريمكس اللي سواه
.
.
.
.
!.. كيف أبنسى ..!
ياحبيبي لاتقول إني نسيتك
ولا تقول إني جفيتك ما أبيك
يشهد الله إني عشقتك من لقيتك
وإني أغار من الهوى حتى عليك
ياحلاة السالفه لامن طريتك
وأبتسم لا جابوا إسمك وأفتديك
وأفتخر في حبك الغالي وصيتك
وأرخص الدنيا عشانك وشتريك
لكن ظروفي صعيبه وإن بغيتك
أنا أدري مقدر أتقرب وأجيك
كل خلق الله تبعدني فديتك
ومقدر أتحمل كلام الناس فيك
إسأل دموعي وكم مره بكيتك
وكم عيني تسهر وتسأل تبيك
حتى قلبي يرتجف لامن لقيتك
ماهو خوف إلا من اللهفه عليك
وياحبيبي لا تقول إني نسيتك
كيف أبنسى وطيفك يذكرني فيك
.
.
لاتحرمونا من أرائكم و إنتقاداتكم
لكم
.
.
تابعوني:-
| 
| 
تحياتي لكم أخوكم:-
ABO FAISAL 20 (محمد بن موسى)