انا احب طفولتي كثير واستمتع لما اخبر اي احد عن سوالفي قبل المتعة في الطفولة بالنسبة لي هي الشارع مو مثل الحين يتجمعون ويسوون نفسهم حريم ملابس وميك اب وشنط وما اعرف ايش < لاحقة يا ماما والا يلعبون يعننهم في المدرسة < وين المتعة انا كنت جريئة حيل يعني اي واحد بالشارع اطق معه سوالف حتى لو ما اعرفة شايب شاب بزر < اللي يجي بس كنت جيدة بنت رجال مثل مايقولوا بس انقلب الحال صرت شوي خجولة شلتي عددهم 9 - 5 أولاد و4 بنات يعني مرة نلعب كورة ومرة مصارعة ومرة نسوي نفسنا ممثلين واحيانا نلعب بالحديقة بس كانت بعيدة ومع ذالك نروح لها < اكيد تقولون هذي آلعاب عيال .. ان المتعة لما تجرب تلعب لعب العيال .. وناسة وقصم اذا حسينا بالطفش رحنا نتهاوش مع عيال وبنات الحارة اللي جنبنا مرة سرقنا باص < مو سرقة لقينا السواق ناسي المفتاح وواحد من العيال شغل الباص وصدمنا بالشجرة اللي قدامنا بس ماصار لنا شي ووووكان راعي البقالة هندي يخقق اللي مايخق كان يحبني عشاني كبر بنته وانا كنت احبه لانه (يعطيني كل شي ببلاش .. تراني كنت بزر ما اعرف حركات الحب ) اطلع من البيت الساعة 5 الفجر ولا ارجع البيت الا 9 بالليل بس ارجع البيت عشان آكل والا اشوف افلام كرتون او مسلسل عيلة 5 نجوم والا مسلسل بدوي بس كانت امي في وقت الظهر تحبسنا بالبيت انا واخوي بس على مين تلعبينها ياماما حتى لو تنامين ومعك مفاتيح البيت فيه شي اسمه سطح < نروح للسطح وندخل على سطح الجيران وننزل ع الشارع < لن بيتهم صغير طبعا من الصباح دايركت ع الوادي < طبعا اذا شتاء مع امطار وهيك نتسبح فيه من نصبح لين نمسي لكن باقي فصول السنة يكون جاف ونلعب فيه وقت العصر الى المغرب لكن الصباح هو وقت الحرية < كذا نسمية لأن اخواننا يكونون بالمدرسة وماعندنا لا رقيب ولا حسيب يعني مثلاً مرة دخلنا انا وبنت عمي مركز شرطة عشان نشوف المساجين بس الحارس الله ياخذ وجه عيا يدخلنا قالنا وبالحرف الواحد ماني ناقص بزارين يالله على بيوتكم < نبي نشوف المساجين ياخي < بس تبغون الصراحة كنت ابغى اتأكد هم يلبسون نفس افلام الكرتون ابيض واسود هذاك المخطط + ومرة سكن عندنا واحد زوجته هندية وعنده بنتين شعورهم توصل للركب عاد كان شعري كارية < اثاريني اعرف الموضة انا ووجهي كنت اقلد ممثلة كانت تجي بمسلسل اسمه احلام نيران اذا تعرفونه المهم ماعلينا عاد جارنا هالشيبة دايم اذا هاوش بناته ما يحلالة ضربهم الا بالشارع وياليته على كذا وبس يمشع شعورهم تمشيع عاد انا كنت حنونة وقلبي طيب بس انتم تعرفون الظلم يخلي البنت شرسة وش سويت !! يوم جاء الظهر بالقايلة محد بالشارع اخذت حصى وكسرت قزاز سيارته تكسير وحطيت رجلي ع البيت وليومكم ما ادري وش كان شعوره بعد اللي سويته معه لأني جلست اسبوع بالبيت من الخوف لايمشع شعري بعد احس اني زودتها يلا بااااي