موضوع رائع وفيه احصائيات جيدة ..

رغم ان فيه معلومة ذكرتيها غلط اللي هي :
انه ياسر ثالث المهاجمين مشاركة هذي اعتقد غير صحيحة
فـ اتوقع انه اكثر من المحياني بقليل واكثر ايضاً من احمد علي اللي ماجاء الا بالانتقالات الشتوية
هذي نقطة ..

النقطة الثانية ..
في كرة القدم .. تعريف صانع الهدف "رسمياً" .. هي اللمسة قبل الاخيرة للهدف
يعني صانع الهدفين هو الوهيبي ..
وهذا الكلام نظرياً فقط ..
لكن لو نرجع للمجهود نلاحظ ان ياسر كان تأثيره في الهدفين أكبر من الوهيبي ومن جيان !!
ومو ضروري ان المسجل او صانع الهدف ( صاحب اللمسة قبل الاخيرة ) : هم اللي بذلوا مجهود اكبر
احياناً يلعب لاعب آخر المجهود الاكبر يعدي مثلاً من كذا لاعب ويقطع عشرين متر ويعطيها لصانع اللعب اللي بلمسة عادية يعطيها للمهاجم اللي بدوره يلعبها في المرمى ..
تذكرون هدف الهلال الاول على الوحدة نهائي كاس ولي العهد؟؟؟
اللي سجل الهدف احمد علي واللي صنع له هو ويلي .. لكن من وجهة نظري التاثير الاكبر كان لياسر
لانه جت له الكورة بالمنتصف عالية وعمل كنترول ولا اروع " رجعت للهدف وسمعت الشوالي يقول : كنترول ولا اروع من ياسر " + احتكاك مع لاعب الوحدة " عطاه الحكم ادفانتج " + التفافة وتمريرة
وويلي ما قصر عدى من لاعب الوحدة وحولها لاحمد علي اللي حطها بالمرمى دون مضايقة
في هذا الهدف التأثير الاكبر لياسر ثم لويلي ثم لاحمد علي.. رغم ان ياسر مايعتبر صانع الهدف

أمس نفس الكلام في الاهداف .. الهدف الاول نظرة وثرو رائع للوهيبي .. الهدف الثاني تحضين على الكورة ونظرة خطافية للوهيبي وتمريرة بالكعب ذهبية

وبصراحة لاحظت ان المعلق والمحللين الاماراتيين ما هضموا حق ياسر وبالعكس حللوا لقطة الهدفين وأشاروا الى تاثيره الكبير في الهدفين خاصة الهدف الثاني ..
وايضاً قصاصات الاخبار اللي منشورة في المنتدى هنا .. مالاحظت ان فيه هضم لحقه ..

عموماً .. أرجو ان مثل هالمواضيع ما توصل لياسر .. مع احترامي !!
مو لانها سيئة .. لكن لانها فيها تحطيم للاعب على غير فائدة
وتحمل اللاعب حمل اكبر من مجرد لعب كرة وتحقيق نتائج في الملعب فقط

دائماً يقولون : لا تلعب للرد على فلان وعلان .. ولكن العب للمتعة