طال غيابي عنكم
... ولكن لآآمل
إلاّ ان يروق لكم جديدي
دامه زمن جَكور واودي وبي أم=خل الخيول تنام ماهو زمنها
اللي من اول لجلها نرخص الدم=والخير كله منعقد في رسنها
اليوم ماصرنا بها يوم نهتم=ولا نقدرها ونعرف ثمنها
هذا مثال الـ واقع الهم والغم=وايامنا اللي صبرنا ضاق منها
تعبت اداري ضيقة الصدر واكتم=حزني .. ولو نفسي تزايد حزنها
كل يوم اقول الجرح لابد يلتم=والجرح زاد وقام يامر وينها
ياما كواني ضيق واجتاحني هم=وارخى على نفسي ولاشح عنها
زاد بقساه ولاطرى يوم يرحم=حرّه تشوف الظلم داخل وطنها
اصيلتن ماقادها كل مغرم=ولا الرديه من بغاها حضنها
حرّه عريبة خال ومعربة عم=تشهد عليها نجد واللي سكنها