الشلهوب :

لاعب خلوق ومحبوب من الكل حتى جماهير الانديه الثانيه ولاعبينهم يحبونه وماالومهم صراحه اخلاق وطيبه وذوق وعشق للكيان

لكن فنياً لاعب مو بكثر الهليلا اللي تصير حوالينه يسجل مايختلف عليه اثنين لكن مهامه كصانع العاب مايأديها
تنقطع منه الكور بسهوله وبشكل مستفز ولا يضغط على الخصم ونادر مايصنع للمهاجمين

الفريدي :

العزف المنفرد الموسم هذا من انطلاقته استثنائي للاستثنائي ولا تلقبونه بالفيلسوف يكفيه لقب العزف المنفرد وفرد الهلال
لاعب خورافي ايجابياته 1-صانع العاب يسلم كور للمهاجم انت وضميرك خصوصا بمكانه المفضل خلف المهاجم
2-يدافع ببساله بوسط الميدان لو لعب جنب المحور
3-مهاري درجه اولى وكلنا نعرف اغلب اهدافه يراوغ من نص الملعب لين يسكنها الشباك

السلبيه الوحيده اللي في الفريدي بروده احيانا خصوصا لما يكون الزعيم موفي يومه اكثر لاعب يتأثر لما اللي حواليه مايؤدون ادوارهم بالشكل المطلوب

لكن في منطقة الجزاء هدوءه شي مو طبيعي ميزه اغلب المهاجمين يتمنونها لاعب رايق مايهاب المدافعين والحراس
يتفنن لين يوصل مراده وهو القول

قناص اسيا :

لاعب اسطوري مستحيل يتكرر عصر الاساطير بيكون ختامه ياسر القحطاني

فنان يحترق للشعار مهاجم من طراز عالي قناص اسم على مسمى سريع البديهه يلعب بعقله
يفيدك كمهاجم ثاني خرج ال18ويفيدك كرأس حربه داخل الصندوق
افضل مهاجم سعودي شفته بحياتي مع احترامي للقدامى
لان الكوره تغيرت الحين وشوفو اهدافهم اول والحين
اول اللاعب يسنتر بال18 وتجيه كور من مبدعين الوسط اللهم انه اخر لاعب يلمسها

لكن من برز ياسر نادر مايتواجد خلفه صانع العاب مبدع وسقى الله ايامك يابو نادين كان روعه مع ياسر وشفنا ابداعهم كيف كان

وكيف القناص بعد رحيله اغلب اهداف ياسر مجهود شخصي

الله لايحرمنا نجومنا الثلاث اللي تكلمنا عنهم ويكونون هلاليين لاخر يوم لهم في الرياضه

وننتظر عودة القناص وان شاءالله احلى مواسمه مع الزعيم العيناوي

ويرجع لبيته الاول ورافع روسنا وكلنا ثقه بالكاسر