أعداد سـآرا تنسيق: ـ وطن دآكن ..! متابعة :- ( المركز الإعلامي لنادي العين ـ فيصل علي ) تصميم :- J A R ! 7 H في يوم الجمعه الموافق : 16- 11 - 1432 هـ / 14-10- 2011 م تواجد الكابتن ياسر القحطاني في سينما نادي العين - استاد خليفه بن زايد - العين حيث أقامة جمعية الجماهير ندوة بعنوان : التشجيع الحضاري والوقوف خلف الفريق في تمام الساعة الرابعة عصراً وكان من الحضور إداري الفريق الأول الكابتن مطر الصهباني واللاعب أسمواه جيان وبالتعاون مع إدارة شرطة العين . تابعوا الجديد والحصري للكابتن ياسر القحطاني من صور وفيديو خاصه عبر بوابة : ( Yssaer Media ) :: جزئيه الكابتن نصاً :: الكابتن ياسر : ومن زمان صراحه ودي بـ القعده هذي وشوفة الوجيه السمحه هذي, والله انا ماأزيد على كلام أبومحمد ولا النقيب سيف ، وبالعكس يعني انا عندي قنآعه ان فريق من غير جمهور يعني مافيه انجازات مافيه بطولات يعني مافيه تاريخ ! واللاعب من غير جمهور أيضآ يعني مافيه أبداع ولا فيه عطاء ..ويعني الجمهور والنادي اواللاعب كلهم يعني يسعون لهدف واحد ومصلحه وحده تختلف يعني الاحاسيس والمشاعر في كل جهة يعني دائمآ مايكون المشجع حساس اكثر من اللاعب في لحظة في اثناء المباراة ، لان اللاعب احيانآ يكون منشغل ! أنا من الناس اللي مااحب اتابع مباراة ولا احب اكون برا وقت المباراة ! لاني انشحن فـ اعيش موقف الجمهور لكن في النهاية الجمهور اذا كان تواجده وكثافته ايجابيه فهذا هو المطلوب ! لكن اذا كان الموضوع ح ينقلب الى امر سلبي فـ اول متضرر راح يكون هو المشجع نفسه لانه اهو اول شيء يعور راسه ويتعب نفسه ويخسر فريقه يعني ماحصل الشيء اللي جاي يدعم علشانه يعني الحين يعني انا اطلع من البيت ويعني اترك مشاغل واهلي واروح احضر مباراة سواء كانت في مدينه او في ملعب ثاني وفي النهاية علشان اروح واتعب نفسي أو اني يعني اكون سلبي في المباراة مااعتقد ان احد انو يرضى يكون كذا طبيعي احداث المباريات احيانآ تأثر على المشجع لكن احنا كـ لاعيبه نطلب من جمهورنا انه اهو يسيطر علينا احنا كـ لاعيبه اذا حصل شيء داخل الملعب لأنو احنا كـ لاعيبه ننتبه للجمهور مثل ماهتافات الجمهور تدعمنا وتعطينا حماس ودافع زي ماقال ابومحمد دعمكم يعني في مباراة الجزيره بعد توفيق رب العالمين كان سبب في قلب النتيجه فـ نفس الشيء لما يحدث شغب او يحدث هتافات سلبيه سوء كان على الفريق او حتى على فريق الخصم يعني هذي الامور كلها تشغل اللاعب تشتت تركيزه تبعد انتباهه من الملعب يتأثر الفريق يخسر الفريق فـ الجمهور لما يكون احنا لما نقول الجمهور لاعب رقم واحد او لاعب رقم احنا 12نقولها حقيقه لانو يعتبر الجمهور اللي قاعد في المدرج نفس اللاعب اللي قاعد في البنش يعني في الاحتياط هما كلهم مباراة هذا يدعم وهذا يدعم لكن الفرق انو وشلون ادعم الدعم الايجابي وشلون احاول اني اكون طول المباراة يعني سوء كان قبل المباراة بداية المباراة اوبعد نهاية المباراة اني اكون ايجابي اكثر نادي العين انا لعبت وجهته وانا في الهلال بهرني جمهوره صراحة !يعني انا في نادي جماهيري في السعوديه في الهلال وكلكم عارفين لكن جمهور نادي العين 90دقيقه مايوقف في دعم الفريق في التشجيع مايوقف هذا شيء ايجايبي يعني نادرآ مايكون في اي نادي في العالم مو بس انا اتكلم في منطقه عندنا فهذا امر ايجابي احنا ليش مانخلي الموضوع يعني كـ 90 دقيقه ايجابيه كرة القدم لو مافيها خساره وفوز ماتصير كرة قدم هذي تصير لعبة تقدر تتحكم فيها بيدك جهاز كمبيوتر يعني حلاوة الكوره هي فوز وخساره تعادل مباراة تكون تكون متاخره مباراة ترجع تعدل في المباراة هذا امر طبيعي لان اي شي غير هذا يعتبر خارج عن الطبيعه ! احنا كلنا امل فيكم كلنا رجاء واللي قاعدين نشوفه منكم انا صراحة في اول مباراة في الدوري اللي راح تكون ان شاءالله الجايه مع النصر ان شاءالله ودي ان شاءالله اللي كنت اشوفه مع الهلال اشوفه ان شاءالله هنا على الهواء مباشره زي مايقولون نبي دعمكم ووقفتكم معنا وانتم تعلمون ماتنتعلمون ! وبارك الله فيكم والله يعطيكم الف عافيه فيديو شكرا لشبكة زعيم الإمارات لمتابعة التغطية المصورة ( أضغط هنا ) في الختام تقبلوا تحيات : Yasser Media